ەلباسى قازاقستانعا 2022 - جىلى قىسقى وليمپيادا نە ءۇشىن قاجەت ەكەنىن ءتۇسىندىردى
«مۇنداي الىپ وليمپيادانى قازاقستان مەن الماتى ەسىمدەرىن اسقاقتاتۋ ءۇشىن وتكىزگىمىز كەلەتىن سياقتى. ءبىر جاعىنان، كەي ادامدار « قانشاما شىعىن كەتەدى، مۇنىڭ ءوزى قاجەت پە، جوق پا» دەپ ويلايدى. مەن دە بۇل تۋرالى كوپ ويلادىم، كوپ اقىلداستىم. ءبىراق بۇل جەردە بىرنەشە نارسەنى ەستەن شىعارماۋ كەرەك.
بىزدە، الماتىدا وليمپياداعى جارايتىن بيىك تاۋ سىرعاناعى دايىن، الەمدىك دارەجەدەگى ترامپلين دە دايىن، بياتلون جولىن ازياداعا ارناپ سالعانبىز. 2017 - جىلى قىسقى ۋنيۆەرسيادا بولادى، قازىر ءبىز جاتتىعاتىن جانە نەگىزگى ويىندارعا ارنالعان 12 مىڭ ادام سىياتىن ەكى ستاديوننىڭ قۇرىلىسىن اياقتاپ قالدىق»، - دەدى ن. نازاربايەۆ.
مەملەكەت باسشىسىنىڭ ايتۋىنشا، حالىقارالىق وليمپيادا كوميتەتى ويىنداردى ەكى قالادا وتكىزۋگە بولادى دەگەن شەشىمدى قابىلداپ قويعان. « ياعني ءبىز استاناداعى ستاديون مەن جابىق مۇز ايدىنىن دا پايدالانامىز. ال ەندى ءىرى عيماراتتاردان وليمپيادالىق قالاشىق سالۋ قالادى. ءبىراق ءبىز ونسىز دا الماتى ستۋدەنتتەرىنە، جاستارعا جاتاقحانالار سالۋدى جوسپارلاپ ءجۇرمىز. ال سپورتشىلارعا سالىنعان باسپانالار وليمپيادادان كەيىن سول جاتاقحانالاردىڭ ءرولىن اتقاراتىن بولادى»، - دەدى ەلباسى.
ونىڭ ايتۋىنشا، ويىندار اياقتالعان سوڭ دا بارلىق نىساندار ءجۇز پايىز قولدانىستا بولادى. «ارينە، قالانىڭ ينفراقۇرىلىمىن جاقسارتۋ قاجەت بولادى، قوناقتار كوپ كەلەدى، سوندىقتان قالانى كەڭەيتىپ، تازارتۋ قاجەت. ەڭ ۇلكەن سپورتتىق شىعىن - بوبسلەيگە ارنالعان تراسسا بولماق. ول الماتىدا ازىرگە جوق. سوندىقتان شىعىندار بولادى، ءبىراق بارلىعى ويلاعانداي ەمەس. ح و ك تا 1 ميلليارد دوللار بولۋگە ۋادە بەرپ وتىر»، - دەپ اتاپ ءوتتى ن. نازاربايەۆ.
مەملەكەت باسشىسى الماتىنى حالىقارالىق قارجىلىق ورتالىق رەتىندە تانىتقىمىز كەلسە، ونىڭ اتىن جان- جاقتى جارنامالاۋ قاجەت. «ەگەر دە ءبىز الماتىنى حالىقارالىق قارجى ورتالىعى قىلعىمىز كەلسە، وندا بىزگە قالانىڭ اتىن تانىتا ءتۇسۋ كەرەك. ە ق ى ۇ ءسامميتى مەن ازيا ويىندارىن وتكىزگەندە استانا اتى اسقاقتاعانى سياقتى جاساۋىمىز قاجەت. بۇل جولدا ەشقانداي شىعىن شىعارمايمىز دەمەيمىز، شىعىن شىعادى. ءبىراق، 50 ميلليارد, 40 ميلليارد، ءتىپتى 30 ميلليارد تا ەمەس، دەگەنمەن قاراجات كەتەدى. ال سول سالىنعان نىسانداردىڭ وليمپيادادان كەيىن دە ءبىزدىڭ پايدامىزعا اساتىنى - اقيقات » ، - دەپ ءتۇيدى مەملەكەت باسشىسى.