قازاقستاندا 2022 - جىلعا دەيىن 7 مىڭ شاقىرىم اۆتوجولدا اقىلى جۇيە ەنگىزىلەدى
بۇل تۋرالى بۇگىن ورتالىق كوممۋنيكاتسيالار قىزمەتىندەگى باسپا ءسوز ءماسليحاتىندا «قاز اۆتوجول» ا ق باسقارما ءتوراعاسىنىڭ ورىنباسارى ۇلان ءالىپوۆ ءمالىم ەتتى.
«ءبىزدىڭ كومپانيانىڭ الدىندا جولداردى سالۋمەن قاتار، ولاردى ساپالى تۇردە كۇتىپ ۇستاۋ مىندەتى جۇكتەلگەن. قازىرگى ۋاقىتتا جولداردى كۇتىپ ۇستاۋعا 13 ميلليارد تەڭگە بولىنەدى. ءبىراق تا قارجىلاندىرۋدىڭ نورماتيۆى بويىنشا جولدارداعى بۇل ماقساتقا 43 ميلليارد تەڭگە قاجەت. ءبىزدىڭ جوسپار بويىنشا جولداردىڭ ساپاسىن ساقتاپ تۇرۋ تەك بيۋدجەتتىك قارجىنىڭ ەسەبىنەن عانا ەمەس، سونداي- اق اقىلى جولدارمەن جۇرگەنى ءۇشىن جاسالعان تولەم قارجىسى ەسەبىنەن جۇزەگە اسىرىلادى. اقىلى جول بويىنشا بىزدە ءتيىستى تاجىريبە بار، سوندىقتان دا ءبىز وسىنداي جولداردى ارتتىرماقپىز. كەستەگە سايكەس، 2022 - جىلعا دەيىن 7 مىڭ شاقىرىم جول اقىلى نەگىزگە كوشىرىلەدى»، - دەپ توقتالدى ۇ. ءالىپوۆ.
كومپانيا مالىمەتىنشە، 2016 - جىلى «استانا- اتباسار» جولىندا جۇك كولىكتەرى ءۇشىن، ال « قىزىلوردا- شىمكەنت» جولىندا بارلىق كولىك تۇرلەرىنە اقىلى جۇيە ەنگىزىلمەك.
اۆتور: رۋسلان عابباسوۆ