فلەيارىستان اۋە كومپانياسى 2022-جىلى جولاۋشىلار سانىن 4 ميلليونعا جەتكىزۋدى كوزدەپ وتىر
بۇل تۋرالى اتالعان اۋە كومپانياسىنىڭ ماركەتينگ جانە ساتۋ ءبولىمىنىڭ ديرەكتورى جانار جايلاۋوۆا ءمالىم ەتتى، دەپ حابارلايدى قازاقپارات ءتىلشىسى.
«بۇگىننەن باستاپ قازاقستان ىشىندە 6 باعىت بويىنشا اۋە رەيستەرى ۇشىرىلا باستادى. رەيستەر سانىن كوبەيتۋ ءۇشىن وڭىرلەردەگى اۋەجايلارعا حات جولداپ جاتىرمىز. بىزدە قازىر نەبارى 2 ۇشاق اۋە رەيستەرىن ورىنداپ جاتىر، قىركۇيەك ايىندا تاعى ءبىر ۇشاق قوسىلادى. سوندىقتان قاي ءوڭىردىڭ اۋەجايى ءوتىنىم بەرەدى، سوعان سايكەس شەشىلەدى. ال جولاۋشىلاردىڭ سانىنا كەلسەك، بيىل جوسپار بويىنشا FlyArystan اۋە كومپانياسىنىڭ قىزمەتىن قولدانۋشىلاردىڭ سانى 700 مىڭ ادام دەپ بەلگىلەپ وتىرمىز. كەلەسى 2020 -جىلى 2,5 ميلليون ادام، ال 2022 -جىلى 4 ميلليون ادامعا جەتكىزەمىز»، - دەدى ج. جايلاۋوۆا.
FlyArystan اۋە كومپانياسى وكىلىنىڭ مالىمەتىنشە، بۇگىنگى كۇنگە دەيىن 45 مىڭعا جۋىق بيلەت ساتىلدى جانە ولاردىڭ � «باگاجسىز» تاريفتەر قۇرايدى.
«بۇگىنگى 180 ورىندىق Airbus A320 ۇشاعىمەن الماتىدان نۇر-سۇلتان اۋەجايىنا العاشقى رەيس ءساتتى ورىندالدى. ۇشاقتا ساپالى قىزمەت كورسەتىلەدى جانە بيلەت باعاسى دا قولجەتىمدى. سونىمەن قاتار FlyArystan اۋە كەمەسىنىڭ بورتىندا جاڭا Recaro 3530 SLIM بىلعارىمەن قاپتالعان، 70 س م-دەن 82 س م-گە دەيىن قوزعالاتىن ورىندىقتار ورناتىلعان. ودان بولەك، 2020-2021 -جىلدارى جاقىن شەت ەلدەردە اۋە قاتىناسىن جۇزەگە اسىرۋ جوسپارىمىزدا بار. اتاپ ايتقاندا، رەسەي، گرۋزيا، وزبەكستان جانە تاعى باسقا ەلدەر»، - دەيدى ءبولىم باسشىسى.
ايتا كەتەيىك، بۇگىن FlyArystan اۋە كومپانياسىنىڭ العاشقى اۋە رەيسى الماتى قالاسىنان ەلورداعا ۇشىپ كەلدى.