ايتا كەتسەك، 2008 -جىلى بەيجىڭ قالاسىندا وتكەن جازعى وليمپيادا ويىندارىندا 15 مىڭنان استام اكتەرلەر تەاترلاندىرىلعان كورىنىستەرگە قاتىستى. بيىل كوروناۆيرۋس پاندەمياسىنا بايلانىستى ولاردىڭ سانى شەكتەلدى. بۇل جولى 3 مىڭعا تارتا ادام ونەر كورسەتەدى.
اق وليمپيادانىڭ اشىلۋ سالتاناتى «قۇس ۇياسى» ۇلتتىق ستاديونىندا وتكىزىلمەك. سالتاناتتى شارا 4 - اقپاندا ساعات 18:00-دە باستالادى.
ونى تەلەارنالار تىكەلەي ەفيردە كورسەتەدى. سالتاناتتى شاراعا الەمنىڭ 20-دان استام ەلىنەن مەملەكەت جانە ۇكىمەت باسشىلارى قاتىسادى دەپ كۇتىلۋدە. ولاردىڭ قاتارىندا قازاقستان پرەزيدەنتى قاسىم- جومارت توقايەۆ تا بار.
الدىن- الا مالىمەت بويىنشا اق وليمپيادانىڭ اشىلۋ سالتاناتى ەكى ساعاتقا سوزىلادى. بيىلعى XXIV قىسقى وليمپياداعا الەمنىڭ 90-نان استام ەلىنەن ءۇش مىڭنان استام سپورتشى قاتىسادى دەپ كۇتىلۋدە. جارىس باعدارلاماسىنا سايكەس، سپورتتىڭ 15 ءتۇرى بويىنشا 109 مەدال ساراپقا سالىنادى. قازاقستاننىڭ وليمپيادالىق قۇراماسىنىڭ اتىنان ابزال اجىعاليەۆ پەن ەكاتەرينا ايدوۆا تۋ كوتەرىپ شىعادى. XXIV قىسقى وليمپيادا ويىندارى بەيجىڭدە 4-20 - اقپان ارالىعىندا وتەدى.
اۆتور: ءادىلجان ۇمبەت