بەيجىڭ-2022: شاڭعى جارىسىن وتانداسىمىز 32-ورىنمەن اياقتادى

نۇر-سۇلتان. قازاقپارات - بەيجىڭ وليمپياداسىندا شاڭعىمەن جارىسۋدان ەرلەر اراسىنداعى سكياتلون (15 شاقىرىم كلاسسيكالىق ءادىس + 15 شاقىرىم ەركىن ءادىس) ءوز مارەسىنە جەتتى، دەپ حابارلايدى قازاقپارات ءتىلشىسى.

30 شاقىرىمعا سوزىلعان جارىسقا قازاقستان اتىنان ەكى شاڭعىشى قاتىسقان بولاتىن. قازاقستاندىق ۆيتالي پۋحكالوۆ ءتورت جىل بۇرىنعى ناتيجەسىن قايتالاپ، 32-ورىنعا تۇراقتادى. ول جەڭىمپازدان 7 مينۋت 35 سەكۋندقا قالىپ قويعان. تاعى ءبىر سپورتشىمىز ەۆگەني ۆەليچكو جارىستى اياقتاي العان جوق. سكياتلوننان وليمپيادا چەمپيونى اتاعىن رەسەيلىك الەكساندر بولشۋنوۆ جەڭىپ الدى. كۇمىس مەدالدى ونىڭ وتانداسى دەنيس سپيتسوۆ يەلەنسە، قولا مەدالدى فينليانديالىق ييۆو نيسكونەن ەنشىلەدى.

شاڭعى جارىسى: سكياتلون. ەرلەر. 30 ك م (15 شاقىرىم كلاسسيكالىق ءادىس 15+ شاقىرىم ەركىن ءادىس)

1. الەكساندر بولشۋنوۆ (رەسەي) - 1:16:09,8

2. دەنيس سپيتسوۆ (رەسەي) - 1:11,0+

3. يۆو نيسكانەن (فينليانديا) - 2:00.2+

32. ۆيتالي پۋحكالو (قازاقستان) - 7:35,3+

اۆتور: كۇنسۇلتان وتارباي