اكىمشىلىك پوليتسيا: 2022 -جىلدىڭ 1- قىركۇيەگىنەن كەيىن اكەلىنگەن كولىكتەر زاڭداستىرىلمايدى

استانا. قازاقپارات - ىشكى ىستەر مينيسترلىگى اكىمشىلىك پوليتسيا كوميتەتىنىڭ ءتوراعاسى قايسار سۇلتانبايەۆ 2022 -جىلدىڭ 1-قىركۇيەگىنەن كەيىن اكەلىنگەن كولىكتەردى زاڭداستىرۋ ماسەلەسى قاراستىرىلمايتىنى ايتتى، دەپ حابارلايدى قازاقپارات ءتىلشىسى.

«2022 -جىلدىڭ 1- قىركۇيەگىنەن كەيىن اكەلىنگەن كولىكتەرگە قاتىستى ايتساق، ولاردى زاڭداستىرۋ ماسەلەسى قاراستىرىلمايتىنىن ايتايىن. ازاماتتارعا زاڭداستىرۋ ءبىرجولعى سيپاتتا بولاتىنى ەسكەرتىلدى. بۇدان بىلاي ەل اۋماعىندا شەتەلدىك اۆتوكولىكتەردى زاڭسىز اكەلۋ مەن پايدالانۋدىڭ جولدارىن بولدىرماۋ ءۇشىن شارالار قابىلدانادى. ماسەلەن، اعىمداعى جىلدىڭ 12- قاڭتارىنان باستاپ زاڭنامالىق وزگەرىستەرگە سايكەس قازاقستان ازاماتتارى شەتەلدىك اۆتوكولىكتەرىنە اۆتوساقتاندىرۋ شارتىن جاساي المايدى»، - دەدى كوميتەت ءتوراعاسى.

ايتۋىنشا، اكىمشىلىك قۇقىق بۇزۋ تۋرالى كودەكس بويىنشا مىندەتتى ساقتاندىرۋسىز كولىك جۇرگىنگەندەر 10 ايلىق ەسەپتىك كورسەتكىش كولەمىندە ايىپپۇل ارقالايدى.

«سونداي- اق، اتالعان جاعدايلاردا پوليتسيا قىزمەتكەرلەرى اۆتوكولىكتەردى ۇستاپ، ولاردى ارنايى اۆتوتۇراقتارعا جەتكىزۋگە قۇقىلى. قازىرگى ۋاقىتتا ىشكى ىستەر مينيسترلىگى حالىق اراسىندا ءتيىستى ءتۇسىندىرۋ جۇمىستارىن جۇرگىزۋدە»، - دەدى قايسار سۇلتانبايەۆ.