تۋريستەر اراسىندا 2022 -جىلى ەڭ تانىمال 10 ەل اتالدى

نۇر-سۇلتان. قازاقپارات - 2022 -جىلى تۋريستەردى قىزىقتىراتىن ەلدەردىڭ رەيتينگى جاسالدى، - دەپ حابارلايدى Kaz.tengritravel.kz ءتىلشىسى TravelDailyNews سايتىنا سىلتەمە جاساپ.

ول ءۇشىن سوڭعى 12 ايداعى Google ىزدەۋ دەرەكتەرى پايدالانىلدى. رەيتينگتىڭ كوشباسشىسى ايىنا 102100 ىزدەۋ ناتيجەسىمەن تۇركيا بولدى.

Holiday كومپانياسى ماماندارىنىڭ پىكىرىنشە، ەل دەمالىس فورماتتارىنىڭ الۋان تۇرلىلىگىنە بايلانىستى فاۆوريتكە اينالدى. تۋريستەر انتالياعا جاعاجاي ساپارىن، ىستامبۇلداعى دەمالىس كۇندەرىن نەمەسە كاپادوكياعا رومانتيكالىق ساپاردى تاڭداي الادى.

ەكىنشى ورىندا گرەكيا ورنالاسقان، ايىنا 90 مىڭعا جۋىق سۇرانىس بار. ساراپشىلاردىڭ ايتۋىنشا، ەل ارحەولوگيا، تاريح، ونەر جانە فيلوسوفيا اۋەسقويلارى ءۇشىن كەرەمەت كورىكتى جەرلەردى، سونداي-اق بىرنەشە ادەمى جاعاجايلار مەن ءمولدىر تازا سۋدى ۇسىنادى.

مالديۆتەر ايىنا 83 مىڭنان استام سۇرانىس جيناپ، ەڭ تانىمال باعىتتاردىڭ ۇشتىگىن جابادى. ءۇندى مۇحيتىنداعى ارالداردىڭ تانىمالدىعى سوڭعى جىلدارى كۇرت ءوستى. تۋريستەردى ەڭ الدىمەن، اق قۇمدى جاعاجايلار، كوگىلدىر- كوك سۋ جانە سۋ استىنداعى جارقىن الەم قىزىقتىرادى.

وسى جىلى ساياحاتتاۋعا ارنالعان ەڭ تانىمال 10 ەلدىڭ رەيتينگى مىناداي:

تۇركيا - ايىنا 102100 ىزدەۋ.

گرەكيا - ايىنا 89800 ىزدەۋ.

مالديۆتەر - ايىنا 83700 ىزدەۋ.

يسپانيا - ايىنا 74320 ىزدەۋ.

تايلاند - ايىنا 57200 ىزدەۋ.

كيپر - ايىنا 53600 ىزدەۋ.

مالتا - ايىنا 48500 ىزدەۋ.

مەكسيكا - ايىنا 48,400 ىزدەۋ.

يتاليا- ايىنا 45400 ىزدەۋ.

يسلانديا - ايىنا 44600 ىزدەۋ.