«2021 -جىل ەلىمىز ءۇشىن كەزەكتى رەفورمالار جىلى بولدى. اۋەل باستان ساياسي بلوك پەن قۇقىق قورعاۋ پروبلەماتيكاسى قارقىندى وزگەرىستەردىڭ سالاسىنا اينالدى»، - دەپ جازدى ول Telegram-كانالىندا.
ەرلان قاريننىڭ ايتۋىنا قاراعاندا، جىل ىشىندە اتالعان سالالاردا مىناداي ماڭىزدى ساپالىق وزگەرىستەر ىسكە اسقان:
1) مامىر ايىندا پرەزيدەنت ساياسي پارتيالار ءۇشىن ماجىلىسكە ءوتۋ شەگىن 7-دەن %5- عا دەيىن تومەندەتۋدى كوزدەيتىن زاڭعا قول قويدى.
2) بۇل زاڭ بارلىق دەڭگەيدەگى سايلاۋ بيۋللەتەندەرىندە «بارىنە قارسىمىن» دەگەن باعاندى بەكىتتى.
3) ماۋسىم ايىندا پرەزيدەنتتىڭ ارنايى جارلىعى بويىنشا ۇكىمەت ادام قۇقىقتارى سالاسىنداعى ءبىرىنشى كەزەكتەگى شارالار جوسپارىن بەكىتتى. ول ادام ساۋداسى قۇرباندارىنىڭ، مۇگەدەك ادامداردىڭ قۇقىقتارىن قامتاماسىز ەتۋگە، قىلمىستىق سوت تورەلىگى سالاسىندا ادام قۇقىقتارىن قامتاماسىز ەتۋگە، ازاپتاۋلار مەن قاتىگەز قارىم- قاتىناستىڭ الدىن الۋعا جانە ت. ب. باعىتتالعان پارمەندى شارالاردىڭ كەڭ جيىنتىعىن قامتيدى.
4) 25-شىلدەدە قازاقستاندا العاش رەت اۋىلدىق وكرۋگ اكىمدەرىنىڭ تىكەلەي سايلاۋى ءوتتى. وتكەن سايلاۋدىڭ ناتيجەسىندە اۋىل اكىمدەرىنىڭ كورپۋسى %50 دان استام جاڭاردى.
5) قىركۇيەك ايىندا پرەزيدەنت كەزەكتى جولداۋىندا دەپۋتاتتىق مانداتتاردى ءبولۋ كەزىندە ايەلدەر مەن جاستار ءۇشىن 30 پايىزدىق كۆوتانى زاڭنامالىق تۇردە بەكىتۋدى ۇسىندى. مەملەكەت باسشىسى ەرەكشە مۇقتاجدىقتارى بار ادامداردى قوسا وتىرىپ، پارتيالاردىڭ سايلاۋ تىزىمدەرىندەگى ازاماتتاردىڭ كۆوتالاناتىن ساناتتارىنىڭ تىزبەسىن كەڭەيتۋدى ۇسىندى. اتالعان نورمالار بويىنشا زاڭ جوباسى ازىرلەندى.
6) جولداۋدا قۇقىق قورعاۋشىلاردىڭ قۇقىقتارىن قورعاۋ، قىلمىستىق پروتسەستى جەتىلدىرۋ بويىنشا ودان ءارى شارالار قابىلداۋ قاجەتتىگى بەلگىلەندى. سونداي-اق، پوليتسيانىڭ سەرۆيستىك مودەلىن كەڭەيتۋ مىندەتى قويىلدى. كەلەسى جىلدان باستاپ بۇل تاجىريبە بۇكىل ەلگە تاراتىلاتىن بولادى. 7) ادام قۇقىقتارى جونىندەگى ۋاكىل ينستيتۋتىن جۇيەلى نىعايتۋدى جانە ءولىم جازاسىن تولىق جويۋدى كوزدەيتىن ەكى زاڭنىڭ ازىرلەنۋى دە قۇقىق قورعاۋ سالاسىنداعى ۇلكەن پروگرەسكە ىقپال ەتتى. «بۇل مەملەكەت باسشىسىنىڭ ساياسي رەفورمالار بلوگى بويىنشا ەڭ ەلەۋلى باستامالارى عانا. ولاردى تولىق ىسكە اسىرۋ ءۇشىن بيىل 2 جارلىق پەن 6 زاڭ قابىلداندى.
جالپى پرەزيدەنت ۇسىنعان بارلىق ساياسي جاڭاشىلدىقتار بويىنشا اۋقىمدى ءارى جوسپارلى جۇمىستار جۇرگىزىلىپ جاتىر. سوندىقتان ساياسات جانە قۇقىق قورعاۋ سالالارىندا ناقتى وزگەرىستەردى جۇزەگە اسىرۋ باعىتى 2022 -جىلى دا ساقتالادى»، - دەيدى پرەزيدەنت كومەكشىسى.
اۆتور: رۋسلان عابباسوۆ