«وسكار-2021» سىيلىعىنا ۇمىتكەرلەر ءتىزىمى بەلگىلى بولدى

نۇر-سۇلتان. قازاقپارات - پاندەميا جانە ودان تۋىنداعان جاھاندىق كارانتين الەمدىك كينونىڭ ناگرادالىق ماۋسىمىنىڭ بۇكىل كەستەسىن بۇزىپ جىبەردى.

ادەتتە قاڭتار ايىنىڭ باسىندا سىيلاناتىن «التىن گلوبۋس» بيىل اقپاننىڭ سوڭىنا اۋىستىرىلدى، ال ادەتتە اقپان ايىندا بەرىلەتىن «وسكار» تەك 25-ساۋىردە عانا تابىستالادى. ولاردىڭ نوميناتسيالارى دۇيسەنبى، ناۋرىزدىڭ ورتاسىندا جاريالانادى، دەپ حابارلايدى قازاقپارات ۆ ۆ س اگەنتتىگىنە سىلتەمە جاساپ.

دەۆيد فينچەردىڭ «مانك» كارتيناسى - 1930 -جىلداردىڭ گولليۆۋدتىق سەناريشىسى گەرمان مينكيەۆيچتىڭ ورسون ۋەلستىڭ «ازامات كەين» اتتى ۇلى فيلمدى قۇرۋىنىڭ درامالىق وقيعاسى تۋرالى باياندايتىن فيلم، ۇزدىك فيلم جانە ۇزدىك رەجيسسۋرا نوميناتسيالارىن الدى.

مانكيەۆيچتىڭ ءرولىن سومداعان بريتاندىق گەري ولدمان ۇزدىك ەر ادامدار ءرولى ءۇشىن تالاسقا تۇسسە، اماندا سەيفريد ەكىنشى پلانداعى ۇزدىك ايەلدەر ءرولى نوميناتسياسىنا دامەلى، ەريك مەسسەرشميت تۇسىرىلگەن كارتينانىڭ اق- قارا مونوحرومداعى ۇزدىك وپەراتورلىق جۇمىس ءۇشىن، اتتيكۋس روسس جانە كەزىندە Nine Inch Nails توبىنىڭ كوشباسشىسى بولعان ترەنت رەزنەر ۇزدىك وريگينالدى مۋزىكا ءۇشىن جۇلدەلى بولۋعا ءۇمىتتى.