ەڭ ۇزاق دەمالىس - قاڭتار ايىندا جاڭا جىل قارساڭىنداعى 4 كۇن، دەپ حابارلايدى قازاقپارات ءتىلشىسى. 2021 -جىلى 1-4-قاڭتار ارالىعى جاڭا جىلدىق دەمالىس بولسا، ناۋرىز ايىندا 5 كۇن بويى ناۋرىز مەيرامى قۇرمەتىنە دەمالامىز.
مامىر ايىندا قازاقستان قارۋلى كۇشتەرى كۇنى مەن جەڭىس كۇنىنە وراي 4 كۇن دەمالامىز.
جەلتوقسان ايىندا تاۋەلسىزدىك كۇنىنە وراي 4 كۇن قاتارىنان دەمالامىز. قالعان مەرەكەلەردەدى دەمالىس 3 كۇنگە سوزىلادى. 2021 -جىلى استانا كۇنى 3-شىلدەدەن 5-شىلدەگە، ياعني سەنبىدەن دۇيسەنبىگە اۋىستىرىلۋى مۇمكىن. 2021 -جىلى دەمالىس كۇنىن اۋىستىرۋ تۋرالى 2015 -جىلعى 23 -قاراشاداعى قازاقستان رەسپۋبليكاسى ەڭبەك كودەكسىنىڭ 85-بابىنىڭ 3-تارماعىنا سايكەس جانە جۇمىس ۋاقىتىن ۇتىمدى پايدالانۋ ماقساتىندا ق ر ۇكىمەتى قاۋلى شىعارعان بولاتىن.
قاۋلىعا سايكەس، دەمالىس كۇنى 2021 -جىلعى 3-شىلدە سەنبىدەن 2021 -جىلعى 5-شىلدە دۇيسەنبىگە اۋىستىرىلادى. وسىلايشا قازاقستاندىقتار ەلوردا كۇنى 4، 5، 6 شىلدە كۇنى دەمالاتىن بولادى.
اۆتور: زارينا قاھارمان