«قازگيدرومەت» ر م ك باسپا ءسوز قىزمەتىنىڭ مالىمەتىنشە، 2013 -جىلى فينليانديا مەتەورولوگيالىق ينستيتۋتى جۇرگىزگەن بىرلەسكەن ەكونوميكالىق زەرتتەۋ باعدارلاماسىنىڭ ۇسىنىمى نەگىزىندە «قازگيدرومەت» ر م ك قالالار مەن ەلدى مەكەندەردە اتموسفەرالىق اۋاداعى وزون مولشەرىنىڭ باقىلاۋ جەلىسىن كەڭەيتۋ جۇمىسىن جۇرگىزدى. كەلەسى جىلدان باستاپ الماتىدا وزوننىڭ مولشەرى ءتورت اۆتوماتتى باقىلاۋ بەكەتىندە ولشەنەدى. ولار مىنا مەكەنجايدا ورنالاسقان:
- احمەتوۆ كوشەسى، 50، اەرولوگيا ستانساسى (اۋەجاي اۋدانى)؛
- ر. زورگە كوشەسى،14، تۇركسىب اۋدانىنىڭ ا ءى ءى ب؛
- جانقوجا باتىر كوشەسى، 202، «شاڭىراق» شاعىناۋدانى، №26 مەكتەپ؛
- ءال- فارابي داڭعىلى، ناۋاي كوشەسىنىڭ قيىلىسى، «وربيتا» شاعىناۋدانى («زەلەنستروي» ا ق دەندروپارك اۋماعى) .
سونىمەن قاتار، 2021 -جىلدىڭ 1-قاڭتارىنان باستاپ اۋاداعى وزون كونتسەنتراتسياسىن باقىلاۋ نۇر- سۇلتان، شىمكەنت، وسكەمەن، اتىراۋ، تاراز، ورال، قاراعاندى، قوستاناي، قىزىلوردا، اقتاۋ، پەتروپاۆل، تۇركىستان، پاۆلودار، اقساي، قۇلسارى، جاڭاوزەن قالالارىندا، سونداي- اق بەينەۋ كەنتىندە جانە «بۋراباي» فوندىق مونيتورينگ ستانساسىندا جۇرگىزىلە باستايدى.
«الداعى ۋاقىتتا وزون كورسەتكىشىن «AirKz» ءموبيلدى قوسىمشاسىنان جانە «قازگيدرومەت» ر م ك ينتەراكتيۆتى كارتاسىنان كورۋگە بولادى» دەلىنگەن حابارلامادا.