ءتيىستى قاۋلى 9- جەلتوقسان كۇنى ۇكىمەت وتىرىسىندا قابىلداندى، دەپ حابارلايدى قازاقپارات ۋكرينفورم سايتىنا سىلتەمە جاساپ.
«ەل اۋماعىنداعى ءتيىستى كارانتيندىك شەكتەۋلەردى 2021-جىلدىڭ 28- اقپانىنا دەيىن ۇزارتۋدى ۇسىنامىز. ونىمەن قوسا، ءالى دە كۇشىن جوعالتپاعان توتەنشە جاعداي رەجيمى، سونداي-اق 28- اقپانعا دەيىن ۇزارتىلادى. ءبىز ۇسىنىپ وتىرعان شەكتەۋلەر ەلىمىزدىڭ بۇكىل اۋماعى ەنىپ وتىرعان «قىزعىلت سارى ايماق» شەكتەۋلەرىنە سايكەس كەلەدى»، - دەدى دەنساۋلىق ساقتاۋ ءمينيسترى ماكسيم ستەپانوۆ.
ۇسىنىلىپ وتىرعان وزگەرىستەرگە توقتالساق: قوعامدىق تاماقتانۋ ورىندارىنىڭ جۇمىس ۋاقىتى 23:00 گە دەيىن ۇزارتىلادى. الايدا، ەسەپ ايىرىسۋ وپەراتسيالارى 22:00 دە توقتاتىلادى.
قاڭتار ايىنىڭ سوڭى مەن اقپان ايىنىڭ باسىندا تۇماۋمەن جانە جرۆيمەن سىرقاتتانۋ ءداستۇرلى تۇردە ارتاتىنى ەسكەرىلە وتىرىپ، 8- قاڭتار ساعات 00:00 دەن باستاپ، 25- قاڭتار ساعات 00:00 گە دەيىن قاتاڭ كارانتيندىك شەكتەۋلەر ەنگىزۋ ۇسىنىلعان.
جاڭا جىل تۇنىندە تاماقتانۋ ورىندارىنا تۇنگى ساعات 01:00 گە دەيىن عانا جۇمىس ىستەۋگە رۇقسات بەرىلمەك.
قالاارالىق جانە حالىقارالىق جولاۋشىلار قاتىناسىن توقتاتۋ جوسپارلانىپ وتىرعان جوق. 9- جەلتوقسانداعى جاعداي بويىنشا، ۋكراينادا كوروناۆيرۋس ينفەكتسياسىنىڭ 845343 وقيعاسى زەرتحانالىق تۇردە راستالعان. سونىڭ ىشىندە 12585 ءى سوڭعى تاۋلىكتە عانا انىقتالعان.