«بيۋجەتتىك ينۆەستيتسيالىق جوبالاردى «مەمساراپتاما» ر م ك- مەن ينتەگراتسيالاۋ جوسپارلانىپ وتىر. جوبالاۋ- سمەتالىق قۇجاتناما - ول كوپ تومدىق كۇردەلى قارجىلىق-تەحنيكالىق قۇجات جانە وعان قارجى بولەك بولىنەدى. كەيىننەن بەكىتىلگەن سوڭ، بيۋجەتتىك ءوتىنىمدى كەلىسۋ كەزىندە بارلىعى سكانەردەن وتكىزىلىپ، وتىنىمگە قوسا بەرىلەدى. وسى ورايدا قاجەتتى اقپاراتتى تەز تابۋ قيىنعا تۇسەدى. ءبىزدىڭ جوسپارىمىزدا بۇل قۇجاتتى تولىقتاي قۇرىلىمداۋ ەسكەرىلگەن، ياعني جوبالاۋ-سمەتالىق قۇجاتنامانىڭ ەلەكتروندى ءتولقۇجاتىن جاساۋ قاراستىرىلعان. بۇل ءوز كەزەگىندە ينۆەستيتسيالىق جوبالاردى كەلىسۋ مەن جوسپارلاۋدى، جوبالىق قۇجاتنامانى قاراستىرۋدى بارىنشا ىڭعايلى ەتۋگە جول اشادى»، - دەدى ەڭسەبايەۆ.
ونىڭ سوزىنە قاراعاندا، بۇرىندارى جوبالاۋ-سمەتالىق قۇجاتنامانى ەلەكتروندى فورماتقا اۋىستىرۋ قىزمەتىمەن «مەمساراپتاما» ر م ك اينالىسقان. كەيىننەن بۇل جۇمىستار باسەكەلەستىك ورتاعا بەرىلىپ، 25 مىڭعا تارتا جوبالاۋ-سمەتالىق قۇجاتناما ەشبىر اقپاراتتىق جۇيەدە تىركەلمەگەن.
سوندىقتان قارجى مينيسترلىگى جەكە كومپانيالارعا وزدەرىنىڭ قۇجاتتارىن ءبىرىڭعاي اقپاراتتىق جۇيەدە تىركەۋدى مىندەتتەمەك. ويتكەنى بۇل جۇيە بيۋجەتتىك جوسپارلاۋ پروتسەسىمەن ءوزارا بايلانىستىرىلعان.
مۇنىمەن قوسا، ۆيتسە- مينيستر بيۋدجەتتىك وتىنىمدەردى قارجى مينيسترلىگىنىڭ اقپاراتتىق جۇيەسىندە تىركەۋدى اۆتوماتتاندىرۋ جوسپارلانىپ وتىرعاندىعىن جەتكىزدى. سونداي-اق 2021-جىلى بيۋجەتتىك جوسپارلاۋدى تولىقتاي قاعازسىز جۇرگىزۋ ەسكەرىلگەن.