تالدىقورعان - وسكەمەن اۆتوجولى 2021 -جىلى تولىق پايدالانۋعا بەرىلەدى
قازىرگى ۋاقىتتا تالدىقورعان قالاسىنان وسكەمەنگە دەيىن ۇزىندىعى 313,5 ك م قۇرايتىن اۆتوجولدى قايتا جاڭارتۋ جۇمىستارى جۇرگىزىلۋدە.
باس مەردىگەر CITIC Construction Co, LTD كومپانياسى.
«بۇگىندە جولشىلار اينالما جولداردى سالىپ جاتىر. نەگىزگى كولىك جولىنىڭ وسىمدىك وسكەن توپىراق قاباتىن الۋ، ەسكى جول جابىندىسىن فرەزەرلەۋ جۇمىستارى باستالدى، سۋ وتكىزگىش قۇبىرلارى ورناتىلۋدا. بۇدان باسقا قۇم، بيتۋم جانە تەمىر بەتون بۇيىمدارى دايىندالۋدا»، دەلىنگەن حابارلامادا.
كومپانيانىڭ مالىمەتىنشە، قايتا جاڭارتۋدان كەيىن اۆتوموبيل جولىنىڭ 31 شاقىرىمى I- ءشى «ب» ساناتىنا، ال قالعان 282 شاقىرىمى Ⅱساناتقا كەلتىرىلەدى. بۇل ۋچاسكەدە ەكى دەڭگەيلى قوس جول ايرىعى سالىنادى، 21 كوپىر مەن 404 سۋ وتكىزۋ قۇبىرى قايتا جاڭارتىلادى.
اتالعان اۆتوجول ۋچاسكەسى الماتى وبلىسى الاكول كولىنىڭ تۋريستىك كلاستەرىنە ەنگەن. بىلتىر جولدىڭ وسى بولىگىمەن 1,2 ميلليون وتاندىق جانە شەتەلدىك تۋريست وتكەن. بيىل 1,5-1,8 ميلليون تۋريست جۇرەدى دەپ كۇتىلۋدە.
ەسكە سالا كەتسەك، ق ر پرەزيدەنتى ق. توقايەۆ شىعىس قازاقستان جانە الماتى وبلىستارىنا ساپارى بارىسىندا جەرگىلىكتى اۆتوجولداردىڭ ساپاسىنىڭ سىن كوتەرمەيتىنىن جانە الاكولدەگى تۋريستىك سەرۆيستى جاقسارتۋ تۋرالى ايتقان ەدى.
«وسىعان وراي، ۇكىمەتكە جانە ەكى ءوڭىردىڭ اكىمدەرىنە قىسقا مەرزىمدە كەشەندى شارالار ۇيىمداستىرۋعا تاپسىرما بەرگەن بولاتىن. قۇزىرلى مەكەمەلەر پرەزيدەنتتىڭ وسى سىندارىنان قورىتىندى شىعارادى دەپ ويلايمىز. بۇل مەملەكەت باسشىسىنىڭ تىكەلەي باقىلاۋىندا»، - دەپ جازدى بەرىك ءۋالي.