قازاقستان مەن تۇرىكمەنستان 2021-2023-جىلدارعى ىنتىماقتاستىق باعدارلاماسىنا قول قويدى
09:45, 19 - اقپان 2021
نۇر-سۇلتان. قازاقپارات - قازاقستان رەسپۋبليكاسى پرەمەر-ءمينيسترىنىڭ ورىنباسارى - سىرتقى ىستەر ءمينيسترى مۇحتار تىلەۋبەردى مەن تۇرىكمەنستان مينيسترلەر كابينەتى ءتوراعاسىنىڭ ورىنباسارى - سىرتقى ىستەر ءمينيسترى راشيد مەرەدوۆ بەينەكونفەرەنتسيا رەجيمىندە س ءى م- ارالىق كونسۋلتاتسيا وتكىزدى، دەپ حابارلايدى قازاقپارات.
ق ر سىرتقى ىستەر مينيسترلىگىنەن ءمالىم ەتكەندەي، تاراپتار ەكىجاقتى ىنتىماقتاستىقتىڭ، اتاپ ايتقاندا ساۋدا-ەكونوميكالىق، ترانزيتتىك-كولىكتىك جانە مادەني-گۋمانيتارلىق سالالارداعى وزەكتى ماسەلەلەرىن تالقىلادى.
جوعارى جانە اسا جوعارى دەڭگەيدەگى الداعى ءىس-شارالار كەستەسى قاراستىرىلدى.
«وڭىرلىك جانە حالىقارالىق ۇيىمدار اياسىنداعى ءوزارا ءىس-قيمىل جونىندە پىكىر الماسىلدى. ورتالىق ازيا مەملەكەتتەرى باسشىلارىنىڭ كونسۋلتاتيۆتىك كەزدەسۋلەرى فورماتىنداعى ديالوگتى دامىتۋعا ەرەكشە نازار اۋدارىلدى. كەلىسسوزدەر قورىتىندىسى بويىنشا تاراپتار قازاقستان رەسپۋبليكاسىنىڭ سىرتقى ىستەر مينيسترلىگى مەن تۇرىكمەنستان سىرتقى ىستەر مينيسترلىگى اراسىنداعى 2021-2023-جىلدارعا ارنالعان ىنتىماقتاستىق باعدارلاماسىنا قول قويدى»، - دەدى مينيسترلىكتەن.