پاراليمپيادا-2020: قازاقستان ەكىنشى مەدال الدى
11:52, 27 - تامىز 2021
توكيو. قازاقپارات - قازاقستاندىق پارادزيۋدوشى ءانۋار ساريەۆ 60 كيلوگرامعا دەيىنگى سالماقتا توكيوداعى پاراليمپيادا ويىندارىنىڭ فينالىنا شىقتى، دەپ حابارلايدى قازاقپارات Sports.kz سايتىنا سىلتەمە جاساپ.
جارتىلاي فينالدا ول يپپونمەن ۆەنەسۋەلالىق سپورتشى ماركوس بلانكونى تىزە بۇكتىردى. فينالدا ءانۋار ازەربايجاندىق پارادزيۋدوشى ۆۋگار شيرينليمەن ايقاسادى. شەشۋشى جەكپە-جەكتەر 13:00-دە باستالادى. وسىلايشا، ساريەۆ قازاقستان قۇراماسىنا پاراليمپيادا ويىندارىنىڭ ەكىنشى مەدالىن اكەلەتىن بولدى. ءبىر كۇن بۇرىن پاۋەرليفتەر داۆيد دەگتياريەۆ 54 كيلوگرامعا دەيىنگى سالماقتا قازاقستان قۇراماسىنا ءبىرىنشى «التىندى» اكەلدى.
اۆتور: ءبيبىحان سەرىكوۆا