2020-جىل: ازىق-تۇلىك قىمباتتاپ، ۇشاق بيلەتى ارزاندادى

نۇر- سۇلتان. قازاقپارات - 2020-جىلى باعا ازىق- تۇلىك تاۋارلارىنا 11,3، ازىق- تۇلىك ەمەس تاۋارلارىنا 5,5، اقىلى قىزمەتتەرگە 4,2 پايىزعا جوعارىلادى.

مۇنداي دەرەكتى ق ر ستراتەگيالىق جوسپارلاۋ جانە رەفورمالار اگەنتتىگىنىڭ ۇلتتىق ستاتيستيكا بيۋروسى ۇسىندى، دەپ حابارلايدى قازاقپارات ءتىلشىسى.

ۆەدومستۆو مالىمەتىنشە، وتكەن جىلدا باعانىڭ ءوسۋى قۇمشەكەرگە - 33,9، كۇنباعىس مايىنا - 33,7، جارمالارعا- 28,7، جۇمىرتقاعا – 20، كارتوپقا - 16,8، ۇنعا - 16,3، جاڭا جينالعان كوكونىستەرگە، قوي ەتىنە- 15,4، جاڭا جينالعان جەمىستەرگە - 14,9، ماكارون ونىمدەرىنە - 14,7، سارى مايعا - 13,6، جىلقى ەتىنە - 11,9، مايەكتى ىرىمشىككە - 11,4، شايعا - 11,2، مۇزداتىلعان بالىققا - 10,1، سيىر ەتىنە – 10، سۇتكە - 9,7، شوشقا ەتىنە – 8، نانعا 5,9 پايىز دەڭگەيىندە بەلگىلەندى.

تەمەكى ونىمدەرى - 14,9, مينەرالدى جانە اس سۋى - 10,4، الكوگولدى سۋسىندار 7,8 پايىزعا قىمباتتادى.

باعانىڭ تومەندەۋى تاۋىقتىڭ سيراعىنا - 5,7، سوككە - 2,6، كۇرىشكە 1,7 پايىز تىركەلدى. باعا ءوسىمى التىننان جاسالعان زەرگەرلىك بۇيىمدارعا – 13، جۋعىش جانە تازالاعىش قۇرالدارعا - 10,2، ءدارى- دارمەككە - 9,9، جەكە قولدانىلاتىن تاۋارلارعا - 9,4، تۇرمىستىق اسپاپتارعا – 8، اۆتوموبيلدەرگە - 7,3، نوۋتبۋكتەرگە - 6,7، جيھاز جانە ۇيگە قاجەتتى زاتتارعا - 6,6، ىدىس- اياققا - 6,1، كيىم جانە اياق كيىمگە 4,8 پايىزدى قۇرادى. تاس كومىر - 3,5، بەنزين 2,5 پايىز قىمباتتاپ، ديزەل وتىنى 6,6 پايىزعا ارزاندادى.

باعا دەڭگەيى قۇقىقتىق قىزمەتتەرگە، جەكە كولىك قۇرالدارىن ساقتاندىرۋعا – 10، كينوتەاترلار قىزمەتتەرىنە - 8,1، شاشتارازدار مەن سۇلۋلىق سالوندار قىزمەتتەرىنە - 7,2، قوعامدىق تاماقتاندىرۋ قىزمەتتەرىنە - 6,9، دەنساۋلىق ساقتاۋ قىزمەتتەرىنە - 6,3,، مونشاعا - 5,7، جەرلەۋ قىزمەتتەرىنە 5,6 پايىز ءوستى.

تاكسيمەن جول ءجۇرۋ اقىسى - 6,8، جولاۋشىلاردىڭ تەمىرجول كولىگىمەن 4,2 پايىز قىمباتتادى، ال اۋە كولىگىمەن 6,2 پايىزعا ارزاندادى. تۇرعىن ءۇي- كوممۋنالدىق قىزمەتتەر سالاسىندا تاريفتەر قوقىس شىعارۋعا - 20,5، ەلەكتر ەنەرگياسىنا - 6,5، سۋىق سۋعا – 1، ىستىق سۋعا 0,7 پايىز ءوستى، ال ورتالىقتىن جىلىتۋعا – 2، كارىزگە1,4 پايىز تومەندەدى.