جوعارى وقۋ ورىندارىنىڭ 2020 -جىلعى رەيتينگى جاسالدى

نۇر- سۇلتان. قازاقپارات - جوعارى وقۋ ورىندارىنىڭ 2020 -جىلعى رەيتينگى شىقتى. بۇل تۋرالى ءبىلىم جانە عىلىم مينيسترلىگىنىڭ ونلاين وتىرىسىندا ۆەدومسۆتونىڭ ءبىلىم جانە عىلىم سالاسىندا ساپانى قامتاماسىز ەتۋ كوميتەتىنىڭ ءتوراعاسى گۇلزات كوبەنوۆا تولىعىراق ايتىپ بەردى، دەپ حابارلايدى قازاقپارات ءتىلشىسى.

«2020 -جىلعى جوعارى وقۋ ورىندارىنىڭ رەيتينگى شىعارىلدى. زەرتتەۋلەردى ءبىلىم جانە عىلىم مينيسترلىگىنىڭ تاپسىرىسى بويىنشا «اتامەكەن» ۇلتتىق كاسىپكەرلەر پالاتاسى جۇرگىزگەن. پالاتا جۇىس بەرۋشىلەردىڭ مۇددەلەرىن ۇسىناتىن جانە ولاردى ءبىلىم بەرۋ باعدارلامالارىنىڭ ساپاسىن باعالاۋعا تارتۋعا مۇمكىندىگى بار ۇيىم رەتىندە جوبانىڭ باعالاۋشىسى. مەملەكەتتىك تاپسىرىس اياسىندا «اتامەكەن» ۇلتتىق كاسىپكەرلەر پالاتاسىنا جوعارى ءبىلىم جۇيەسىنىڭ بارلىق اقپاراتتىق بازاسىنا كىرۋگە مۇمكىندىك بەرىلدى. تيىسىنشە جوعارى وقۋ ورىندارى دا رەيتينگكە قاجەتتى ماتەريالداردى ۇسىندى»، - دەدى گۇلزات كوبەنوۆا.

ونىڭ ايتۋىنشا، بيىل رەيتينگكە بارلىق جوعارى وقۋ ورنى ەنگەن. تەك قورعانىس مينيسترلىگى، ۇ ق ك، ءى ءى م- گە باعىنىشتى جوعارى وقۋ ورىندارى قاتىستىرىلماعان.

«2020 -جىلعى رەيتينگتىڭ قورىتىندىسى بويىنشا مىنانى اتاپ وتۋگە بولادى: بىرىنشىدەن، قازىرگى ەپيدەميولوگيالىق كۇردەلى احۋالعا قاراماستان تۇلەكتەردىڭ جۇمىسپەن قامتىلۋىنىڭ ورتاشا دەڭگەيى 71 پايىزدى قۇراپ وتىر. ەكىنشىدەن، جۇمىس بەرۋشىلەردىڭ ج و و- لارداعى ءبىلىم باعدارلامالارىنىڭ ساپاسى مەن وزەكتىلىگىنە قاناعاتتانۋى 1-دەن 3-كە دەيىن كوبەيدى. بۇل - ەڭ باستى ماسەلە. ەڭ باستىسى، ج و و- لار تالاپكەرلەردى قابىلداعان كەزدە وقۋ بارىسىن جۇرگىزگەن ءبىلىم باعدارلامالارى ساپالى بولۋى كەرەك»، - دەدى ول.

ول سونىمەن قاتار پراكتيكالىق تاجىريبەسى بار مۇعالىمدەردى وقۋ پروتسەسىنە قاتىسۋى 72 پايىزدى قۇراعانىن اتاپ ءوتتى.

«كەي جوعارى وقۋ ورىندارى ءبىلىم باعدارلاماسىنا از قاراجات جۇمسايدى. پراكتيكالىق تاجىريبەسى بار وقىتۋشىلاردى از تارتادى. مۇنداي جوعارى وقۋ ورىندارىنىڭ ءبىلىم باعدارلاماسى تۇلەكتەردىڭ اراسىندا قىزىعۋشىلىق تۋدىرمايدى»، - دەيدى ول.

گۇلزات كوبەنوۆا رەيتينگتىڭ ناتيجەسى قوسىمشا كريتەري رەتىندە جوعارى ءبىلىمدى كادرلاردى دايارلاۋعا، مەملەكەتتىك ءبىلىم بەرۋ تاپسىرىسىن ءبولۋ كەزىندە ەسكەرىلەتىنىن اتاپ ءوتتى. «وزدەرىڭىز بىلەتىندەي، بيىل 36 جوعارى وقۋ ورىندارىندا مەملەكەتتىك ءبىلىم تاپسىرىسى وسى رەيتينگتى ەسكەرە كەلە ورنالاستىرىلماعان. الداعى ۋاقىتتا وسى ماسەلە نازارعا الىنادى. بيىل رەيتينگ جاقىن ارادا مينيسترلىكتىڭ، كوميتەتتىڭ، «اتامەكەن» ۇلتتىق كاسىپكەرلەر پالاتاسىنىڭ سايتتارىندا تولىق جاريالانادى»، - دەدى ول.

اۆتور: ايان بەكەن ۇلى