قازاق كۇرەسىنەن «قازاقستان بارىسى» اتانعان بالۋاننىڭ ءىنىسى 2020-جىلعا دەيىن سپورتتان شەتتەتىلدى
گرەك-ريم كۇرەسىنەن ەل نامىسىن قورعاپ كەلگەن ازيا چەمپيونى نۇرسۇلتان تۇرسىنوۆ تىيىم سالىنعان مەلدوني پرەپاراتىن قولدانىپ، دوپينگكە قارسى ەرەجەنى بۇزعان.
سول سەبەپتى بىرىككەن كۇرەس الەمى نۇرسۇلتان تۇرسىنوۆتى 2020-جىلدىڭ 3- ناۋرىزىنا دەيىن سپورتتان شەتتەتكەنى بەلگىلى بولدى.
ءبىراق، بۇل وقيعا تۋرالى قازاقستان كۇرەس فەدەراتسياسى ارنايى مالىمدەمە جاساعان جوق. ەسكە سالا كەتەيىك، نۇرسۇلتان تۇرسىنوۆ - قازاق كۇرەسىندەگى تانىمال باپكەر شىڭعىس تۇرسىنوۆتىڭ ۇلى. نۇرسۇلتاننىڭ تۋعان اعاسى مۇحيت تۇرسىنوۆ - «قازاقستان بارىسى» تۋرنيرىنىڭ چەمپيونى.
نۇرسۇلتان تۇرسىنوۆ «قازاقستان پرەزيدەنتى كۋبوگى» حالىقارالىق تۋرنيرىنىڭ ەكى دۇركىن قولا (2012، 2013-جىلدارى) جانە كۇمىس (2015-جىلى) جۇلدەگەرى، ازيا چەمپيونى (2014-جىلى)، يسپانيا گران-پريىنىڭ جەڭىمپازى (2014-جىلى)، ازيا چەمپيوناتىنىڭ كۇمىس جۇلدەگەرى (2015-جىلى)، بولات تۇرلىحانوۆتى ەسكە الۋعا ارنالعان حالىقارالىق تۋرنيردىڭ جەڭىمپازى (2015-جىلى).
اۆتور: كۇنسۇلتان وتارباي