ىرىكتەۋ سىنىنىڭ قورىتىندىسى بويىنشا، ءبىزدىڭ گيمناستار بەس جاتتىعۋ تۇرىنەن فينالعا جولداما الدى.
اتاپ ايتار بولساق، كوماندا ۇزدىگى ميلاد كاريمي كوپسايىس قورىتىندىسى بويىنشا 8-ورىن الىپ، اقتىق سىنعا ءوتتى. سونداي-اق، ميلاد ەركىن جاتتىعۋدا - ءتورتىنشى، گيمناستيكالىق كەرمەدە - التىنشى، گيمناستيكالىق قوسسىرىقتا جەتىنشى ورىننان كورىنىپ، فينالدا ونەر كورسەتۋ مۇمكىندىگىن الدى.
كوماندا مۇشەسى ناريمان كۋربانوۆ گيمناستيكالىق ات سناريادىنداعى ىرىكتەۋ كەزەڭىن ءۇشىنشى ورىنمەن اياقتادى.
ناريمان دا فينالدا سىنعا تۇسەتىن سپورتشىلار قاتارىندا. سپورتتىق گيمناستيكادان ۋنيۆەرسيادانىڭ فينالدىق كەزەڭى 6-7- شىلدەدە وتەدى.
6- شىلدە كۇنى كوپسايىستان، 7- شىلدە كۇنى جەكەلەگەن جاتتىعۋ تۇرلەرىنەن جەڭىمپازدار مەن جۇلدەگەرلەر انىقتالادى. 5- شىلدە كۇنى ايدا باۋىرجانوۆا مەن ەكاتەرينا چۋيكينا جارىستى باستايدى.