سايلاۋ-2019: قاسىم- جومارت توقايەۆ پرەزيدەنتتىككە كانديدات رەتىندە قۇجاتتارىن تاپسىردى

نۇر- سۇلتان. قازاقپارات - قازاقستان رەسپۋبليكاسىنىڭ پرەزيدەنتتىگىنە كانديدات رەتىندە قاسىم- جومارت كەمەل ۇلى توقايەۆ ءتيىستى قۇجاتتارىن تاپسىردى، دەپ حابارلايدى قازاقپارات ق ر ورتالىق سايلاۋ كوميسسياسىنىڭ رەسمي سايتىنا سىلتەمە جاساپ.

«2019 -جىلعى 23 - ساۋىردە قازاقستان رەسپۋبليكاسى ورتالىق سايلاۋ كوميسسياسىنا «قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسى كونستيتۋتسيالىق زاڭىنىڭ 55 - بابىنا سايكەس «Nur Otan پارتياسى» قوعامدىق بىرلەستىگى قازاقستان رەسپۋبليكاسىنىڭ پرەزيدەنتتىگىنە كانديدات رەتىندە قاسىم- جومارت كەمەل ۇلى توقايەۆتىڭ مىناداي قۇجاتتارىن ۇسىندى:

1. «Nur Otan پارتياسى» قوعامدىق بىرلەستىگى جوعارى ورگانىنىڭ قازاقستان رەسپۋبليكاسىنىڭ پرەزيدەنتتىككە كانديدات ۇسىنۋ جونىندەگى وتىرىسىنىڭ حاتتاماسىنان ءۇزىندى؛

2. قاسىم- جومارت كەمەل ۇلى توقايەۆتىڭ قازاقستان رەسپۋبليكاسىنىڭ پرەزيدەنتتىگىنە كانديدات بولىپ داۋىسقا تۇسۋگە كەلىسىم بەرگەنى تۋرالى ءوتىنىشى؛

3. ءومىرباياندىق دەرەكتەرى؛

4. قازاقستان رەسپۋبليكاسى ورتالىق سايلاۋ كوميسسياسىنىڭ شوتىنا سايلاۋ جارناسىن ەنگىزگەنىن كۋالاندىراتىن قۇجات؛

5. جەكە باسىن كۋالاندىراتىن قۇجاتتىڭ كوشىرمەسى؛

6. جوعارى وقۋ ورنىنداعى ءبىلىمى تۋرالى ديپلومدارىنىڭ كوشىرمەلەرى؛

7. مەملەكەتتىك قىزمەتتە جۇمىس تاجىريبەسىنىڭ بار ەكەنىن راستايتىن قۇجاتتار.

مەملەكەتتىك ءتىلدى ەركىن مەڭگەرگەندىگىن انىقتايتىن لينگۆيستيكالىق كوميسسياسىنىڭ وتىرىسى 2019 -جىلعى 23 - ساۋىرگە تاعايىندالدى» ، - دەلىنگەن حابارلامادا.