قازاقستاندىقتار 2019-جىلى قانشا كۇن دەمالادى

استانا. قازاقپارات - 2019-جىلى قازاقستاندىقتار 120 كۇن دەمالادى، دەپ حابارلايدى قازاقپارات ءتىلشىسى.

قازاقستاندىقتار ەڭ كوپ دەمالاتىن كۇندەر ناۋرىز ايىندا - 14 كۇن، ال مامىر مەن جەلتوقساندا 12 كۇننەن دەمالاتىن بولادى. قاڭتاردا ەل تۇرعىندارى - 11 كۇن، ماۋسىم مەن تامىزدا - 10 كۇننەن، شىلدە، قىركۇيەك جانە قاراشادا - 9 كۇننەن، اقپان، ءساۋىر جانە قازاندا - 8 كۇننەن دەمالادى.

ق ر «قازاقستان رەسپۋبليكاسىنداعى مەرەكە كۇندەرى تۋرالى» زاڭىنا سايكەس، قازاقستان رەسپۋبليكاسىندا ۇلتتىق جانە مەملەكەتتىك مەرەكە اتاپ وتىلەتىن كۇندەر ەلدىڭ ەڭبەك زاڭناماسىنا سايكەس مەرەكەلىك كۇندەر بولىپ سانالادى.

ەسكە سالا كەتەيىك، قازاقستان رەسپۋبليكاسىنداعى مەملەكەتتىك مەرەكەلەر مىنا كۇندەرى اتاپ وتىلەتىن مەرەكەلەر:

جاڭا جىل - 1-2- قاڭتار؛

حالىقارالىق ايەلدەر كۇنى - 8- ناۋرىز؛

ناۋرىز مەيرامى - 21-23- ناۋرىز؛

قازاقستان حالقىنىڭ بىرلىگى مەرەكەسى - 1- مامىر؛

وتان قورعاۋشىلار كۇنى - 7- مامىر؛

جەڭىس كۇنى - 9- مامىر؛

استانا كۇنى - 6- شىلدە؛

قازاقستان رەسپۋبليكاسى كونستيتۋتسيا كۇنى - 30- تامىز؛

قازاقستان رەسپۋبليكاسى تۇڭعىش پرەزيدەنتى كۇنى - 1- جەلتوقسان؛

ۇلتتىق مەرەكە:

تاۋەلسىزدىك كۇنى - 16-17- جەلتوقسان.

قازاقستان رەسپۋبليكاسىندا مەرەكە كۇندەرى حالىق دەمالادى. مەرەكە كۇندەرى دەمالىس كۇندەرىنە (سەنبى، جەكسەنبى) تۇسسە، مەرەكەدەن كەيىنگى كۇن جۇمىس كۇنى بولىپ سانالادى. وسىلايشا، 2019-جىلى بەسكۇندىك جۇمىس اپتاسىنداعى دەمالىس كۇندەرى:

23- ناۋرىزدان 25- ناۋرىزعا؛

6- شىلدەدەن 8- شىلدەگە؛

1- جەلتوقساننان 2- جەلتوقسانعا؛

التى كۇندىك جۇمىس اپتاسىندا:

1- جەلتوقساننان 2- جەلتوقسانعا اۋىستىرىلادى.

بۇدان بولەك، مۇسىلمان كۇنتىزبەسى بويىنشا اتاپ وتىلەتىن قۇربان ايت مەرەكەسىنىڭ ءبىرىنشى كۇنى، 7- قاڭتار - پراۆوسلاۆيەلىك روجدەستۆو دەمالىس كۇندەرى بولىپ سانالادى. 2019-جىلى قۇربان ايتتىڭ ءبىرىنشى كۇنى 11- تامىز كۇنى اتاپ وتىلەدى.