كەلەر 2019 -جىلى جاستاردى نە كۇتىپ تۇر
«2019 -جىلدى جاستار جىلى دەپ جاريالادىم. بۇل وتە ماڭىزدى. الايدا ءبارى جاستار جىلى بولعاندىقتان، بارلىق قاجەتتىلىك قاپ- قاپپەن جاستارعا كورسەتىلەتىن بولدى دەپ ويلاپ ءجۇر. نەگىزگى ماسەلە وندا ەمەس. بۇل جەردە ءبىزدىڭ ەل ىشىندەگى جۇمىستارعا، باستامالارعا، بارلىق باعدارلامالارعا جاستاردى ارالاستىرۋ تۋرالى ايتىلىپ وتىر»، - دەدى مەملەكەت باسشىسى ەلوردادا ءوتىپ جاتقان VIII ازاماتتىق فورۋمدا.
سونىمەن بىرگە، مەملەكەت باسشىسى شيكىزاتتىق ەمەس جۇيەگە ءوتۋدىڭ ماڭىزدىلىعىنا توقتالدى.
«ءبىز بيرجالىق تاۋارلاردان، اتاپ ايتقاندا مۇناي مەن گازدان، مەتالل مەن كومىردەن، سول سەكىلدى شيكىزاتتاردان اقشا الىپ وتىرعان مەملەكەتپىز. ەندى بەلگىلى بولعانداي، ولاردىڭ باعاسى كەيدە الا- قۇلا بوپ كەتەدى. اقىرى، ءبىر كۇنى قۇر قالۋىمىز مۇمكىن. مىنە، سوندىقتان، ءبىزدىڭ قوعامدى وسىنداي قيىن- قىستاۋ كەزەڭنەن قۇتقارىپ الاتىن قور قۇرىلدى. ءبىراق، بالامالى ەكونوميكانى قۇرۋ ءۇشىن ءۇشىن يندۋستريالىق- يننوۆاتسيالىق باعدارلاما جۇزەگە اسىرىلىپ جاتىر. شيكىزاتتىڭ بولعانى جاقسى- اۋ، الايدا ونى وڭدەپ، قۇنىن ارتتىرىپ، كوبىرەك اقشاعا ساتۋ كەرەك. وسىلايشا، ەڭبەك ونىمدىلىگىن جوعارلاتۋعا بولادى»، - دەدى نۇرسۇلتان نازاربايەۆ.
ەلباسى ءوز سوزىندە سوڭعى بەس جىلدا 1200 جاڭا كاسىپورىن اشىلعانىن تىلگە تيەك ەتتى
«وسى كاسىپورىندارعا مۇلدە بولەك ايلىقتاردى الاتىن جۇمىسشىلار كەلدى. ماسەلەن، مۇندا لوكوموتيۆتەردى ءوندىرۋ بويىنشا زاۋىت سالىندى. ول جەردە ءبىر ادام ءۇشىن ونىمدىلىكتىڭ قۇنى 100 مىڭ دوللارعا كەتكەن. دەمەك، ايلىعى جۇمىسىنا ساي كەلمەيدى. بيىل 110 كاسىپورىن جۇمىسىن باستادى. ءبىز بۇل جۇمىستى مىندەتتى تۇردە جالعاستىراتىن بولامىز. مىنە، جاستاردى وسىعان دايىنداۋ كەرەك»، - دەدى نۇرسۇلتان نازاربايەۆ.