الماتىدا «ۇلى دالا-2018» ەتنوفەستيۆالى وتەدى
بۇل تۋرالى شارانىڭ ۇيىمداستىرۋشىلارى قازاقپارات تىلشىسىنە ايتىپ بەردى.
«ۇلى دالا-2018» فەستيۆالى 23-24 -ماۋسىم كۇندەرى «بورالداي ساق قورعانى» ساياباعىندا وتەدى.
فەستيۆال قوناقتارى - ۆەنگريا، موڭعوليا، ۋكراينا، وزبەكستان، باشقۇرتستان، داعىستان، ساحا، تىۆا، التاي رەسپۋبليكاسى حالقىنىڭ وكىلدەرى.
بۇل جولعى فەستيۆالدا باتىرلاردىڭ جەكپە-جەگى عانا كورسەتىلىپ قويمايدى. سونىمەن قاتار قازاقتىڭ ۇلتتىق ونەرى «بايگەدەن» جارىس ۇيىمداستىرىلادى.
«بيىلعى فەستيۆالدىڭ بىلتىرعىدان ايىرماشىلىعى سايىس ءتىزىمىن تاعى ءبىر قازاقتىڭ ۇلتتىق سپورت ءتۇرى تولىقتىرۋىندا. بۇل جولى بايگە وتەدى. سونداي-اق قولونەرشىلەر ءتۇرلى شەبەرلىك ساباعىن وتكىزەدى. فەستيۆال قوناقتارى ۇلتتىق دامنەن اۋىز تيەدى. بيىلعى شارانىڭ باستى ەرەكشەلىگى رەتىندە باس جۇلدەگە اۆتوكولىك تىگىلەتىنىن ايتا كەتۋ كەرەك» - دەدى «ۇلى دالا-2018» فەستيۆالىنىڭ ۇيىمداستىرۋشىلارى.