ەۋروپالىق بانك قازاقستاننىڭ 2018 - جىلعى ىشكى جالپى وسىمىنە بولجام جاسادى
«حالىقارالىق بولجام بارىنشا قولايلى بولىپ تۇر. الەمدە، ەۋروپا مەن قىتايدا ءوسىم بايقالادى. مۇناي باعاسى دا باررەلىنە 60 دوللاردان جوعارى قالىپتاسادى. بۇل حالىقارالىق ورتانىڭ بارىنشا قولايلى ەكەندىگىن كورسەتەدى جانە بۇل قازاقستان ەكونوميكاسى ءوسىمى قارقىنىڭ ارتۋىنا اكەلەدى. شىنايى ىشكى جالىپ ءونىم ءوسىمى 3,5-4 پايىز توڭىرەگىندە بولادى»، - دەدى ول.
ونىڭ ايتۋىنشا، قازاقستان ەكسپورتىنىڭ ارتۋى، ينۆەستيتسيا كولەمىنىڭ ەسەلەنە ءتۇسۋى، تۇتىنۋشىلاردىڭ شىنايى كىرىستەرىنىڭ كوبەيۋى دە ورىن الاتىن بولادى. سونىمەن قاتار فيسكالدىق ۇستانىمدىلىق پەن بارىنشا جوعارى يمپورت تا ەكونوميكا ءوسىمىنىڭ نەگىزگى فاكتورىنا اينالادى.
«بەلگىلى ءبىر دەڭگەيدەگى باياۋلاۋدان كەيىن ەكونوميكا وسە باستاعان كەزدە ينفلياتسيا ازداپ تومەندەيدى. دەگەنمەن، ايتا قويارلىقتاي قاتتى تومەندەپ كەتپەيتىندىگى انىق. جالپى ينفلياتسيا ۇلتتىق بانك بەلگىلەگەن شەكتە بولادى»، - دەدى حانس حولتسحاككەر.
اۆتور: مارلان جيەمباي