«2018 -جىلى بالىق وتەتىن ەكى ارنادا مەليوراتيۆتى شارالاردى جۇزەگە اسىرۋ كوزدەلىپ وتىر. ول ۇزىندىعى 131 ك م بولاتىن جايىق وزەنىندەگى يايتسكي ارناسى. سونىمەن قاتار رەسەيمەن شەكارالاس قۇرمانعازى اۋدانىنداعى قيعاش وزەنىندەگى گانيۋشكينو ارناسى. ونىڭ ۇزىندىعى 65 ك م. مەليوراتيۆتى جۇمىستاردى جۇرگىزۋ ءۇشىن قاجەتتى جوبالاۋ- سمەتالىق قۇجاتتاردى دايىنداۋعا بيۋدجەتتەن 65 ميلليون تەڭگە بولىنگەن. اتالعان قۇجاتتار مەملەكەتتىك ساراپتامادان ءوتتى. قازىرگى تاڭدا ارنانى قازاتىن مەردىگەر كومپانيانى انىقتاۋ ءۇشىن تەندەر پروتسەدۋرالارى ءجۇرىپ جاتىر»، - دەدى اتىراۋ وبلىسى اكىمدىگىنىڭ اۋىل شارۋاشىلىعى باسقارماسى جەتەكشىسىنىڭ ورىنباسارى ەربولات قادىموۆ.
ايتا كەتەيىك، يايتسكي مەن گانيۋشكينو ارنالارى كوكتەمدە بالىقتاردىڭ كاسپي تەڭىزىنەن جايىق پەن قيعاش وزەنىنە وتەتىن باستى باعىتتارى بولىپ تابىلادى. بۇل ارنالار ونداعان جىلدار بويى تازالانباي، جاز مەزگىلىندە ول جەردەن بالىق تۇرماق قايىقتىڭ ءوزى وتە المايتىنداي جاعدايعا جەتكەن.