الماتى-شولپان اتا اۆتوجولىنىڭ قۇرىلىسى 2018-جىلى باستالادى
بۇل تۋرالى كيرتاگ تىلشىسىنە قىرعىزستاننىڭ كولىك جانە جولدار مينيسترلىگىنىڭ باسپا ءسوز حاتشىسى كىلىچبەك دوسۋمبەتوۆ ءمالىم ەتكەن.
«2018-جىلى «الماتى - شولپان اتا» اۆتوجولىنىڭ قۇرىلىسى جاڭعىرتىلادى. جوبانىڭ تەحنيكالىق-ەكونوميكالىق نەگىزدەمەلەرى دايىن. جاقىن ارادا ونىڭ جوبا-سمەتالىق قۇجاتتارىن دايىنداۋعا كىرىسەمىز. بيىلعى جىلى قىرعىز تاراپى ءوزىنىڭ بولىگىندە جوبالاۋ جۇمىستارىن اياقتايدى.
وسى ۋاقىتتا بىشكەك- نارىن-تورۋگارت باعىتىندا توعىساتىن ەكى كوپىر مەن جولايرىقتىڭ قۇرىلىسى جوسپارلانۋدا. بۇل دەگەنىڭىز 92 كيلومەتر جول»، - دەدى ول.
دوسۋمبەتوۆتىڭ سوزىنشە، جاڭا جولدى قاستەك شاتقالى ارقىلى سالۋ جوسپارلانۋدا. سوندا ەكى قالا اراسىنداعى جول 140 كيلومەترگە قىسقارادى. «قازاقستان تاراپى الماتى-شولپان اتا» اتوجولىنىڭ قۇرىلىسىن جوسپارلاۋدى باستادى.
قازاقستان وكىلدەرى قۇرىلىستى باستاي سالاسىمەن قىرعىزستان وزىنە تيەسىلى 3 كيلومەتر بولىكتىڭ قۇرىلىسىنا كىرىسەدى. جوبانىڭ قۇنى 3 ميلليون دوللار»، - دەپ قوستى دوسۋمبەتوۆ.