وليمپيادا-2018: بۇگىن سارسەنبىدە سايىسقا قازاقستاننان 2 سپورتشى شىعادى
08:00, 21 - اقپان 2018
پحەنچحان. قازاقپارات - وڭتۇستىك كورەيانىڭ پحەنچحان قالاسىندا ءوتىپ جاتقان 23- قىسقى وليمپيادا ويىندارىندا 21 -اقپان كۇنى قازاقستاندىقتار ەكى سپورت تۇرىنەن سىنعا تۇسەدى، دەپ حابارلايدى قازاقپارات ءتىلشىسى.
وليمپيادا ويىندارىنىڭ جارىس كەستەسىنە سايكەس، قازاقستاندىق سپورتشىلار سارسەنبىدە قىزدار اراسىندا مانەرلەپ سىرعاناۋدان جانە ەرلەر، ايەلدەر اراسىندا وتكىزىلەتىن شاڭعى جارىسىنان ەركىن ستيلدەگى كوماندالىق سپرينتتە سىنعا تۇسەدى.
ايەلدەر اراسىندا مانەرلەپ سىرعاناۋدان قىسقا باعدارلامادا ايزا يمامبەك، ەليزابەت تۇرسىنبايەۆا باق سىنايدى. جارىس استانا ۋاقىتىمەن تاڭەرتەڭ ساعات 7:00-دە باستالادى.
ايەلدەردىڭ اراسىندا وتەتىن شاڭعى جارىسىنان ەركىن ستيلدەگى كوماندالىق سپرينتكە اننا شيەۆچەنكو جانە ۆالەريا تيۋلەنيەۆا قاتىسادى. جارىس استانا ۋاقىتىمەن 15:00-دە باستالادى.
سول ۋاقىتتا باستالاتىن ەرلەر اراسىنداعى شاڭعى جارىسىنان ەركىن ستيلدەگى كوماندالىق سپرينتكە قازاقستاندىق الەكسەي پولتورانين جانە دەنيس ۆولوتكا شىعادى.
كۇنسۇلتان وتارباي