قازاقستاندا 2018-جىلعا قاراي جىل سايىن 190 مىڭ اۆتوكولىك شىعارىلاتىن بولادى
ونىڭ ايتۋىنشا، بۇل قازاقستاندا اۆتوكولىك جاساۋ سالاسىندا 20 مىڭعا جۋىق جاڭا جۇمىس ورىندارىن اشۋعا مۇمكىندىك بەرەدى.
«قۇرمەتتى پرەزيدەنت، ءسىزدىڭ تىكەلەي قولداۋىڭىزبەن ەلىمىزدە جاڭا سالا - اۆتوكولىك ونەركاسىبى قۇرىلدى. بۇل سالا قازىرگى تاڭدا جىلىنا 2 ميلليارد دوللاردىڭ ءونىمىن شىعارادى. ەندى، مەملەكەتتىك ۇدەمەلى يندۋستريالدى-يننوۆاتسيالىق دامۋ باعدارلاماسىنىڭ ەكىنشى كەزەڭىندە اۆتوكولىك ونەركاسىبى ەكونوميكانىڭ ماڭىزدى سالالارىنىڭ بىرىنە اينالاتىن بولادى» - دەدى ا. لاۆرەنتيەۆ.
سونىمەن قاتار، قازاقستاندىق اۆتوبيزنەس قاۋىمداستىعىنىڭ پرەزيدەنتى ەلباسىنا اۆتوكولىك جاساۋ سالاسىنا ءجىتى كوڭىل ءبولىپ جاتقاندىعىنا ريزاشىلىعىن ءبىلدىرىپ، الەمدىك ەكونوميكادا ورىن الىپ جاتقان تۇراقسىز جاعدايلارعا قاراماستان، وتاندىق وندىرۋشىلەر قازاقستاندىق اۆتوكولىك ونەركاسىبىنىڭ دامۋى ءۇشىن قولدان كەلگەننىڭ بارلىعىن جاسايتىندىعىن جەتكىزدى.
ايتا كەتەلىك، قازاقستاندىق اۆتوبيزنەس قاۋىمداستىعىنىڭ دەرەكتەرىنە سايكەس، قازىرگى تاڭدا قوستاناي قالاسىنداعى «اگروماشحولدينگ» جانە «سارى ارقا اۆتوپروم» زاۋىتتارىندا SsangYong, Hyundai, Geely, Peugeot جانە Toyota سىندى اۆتوكولىكتەردىڭ ءوندىرىسى جولعا قويىلعان. ودان باسقا، فرانسۋزدىق ارىپتەستەرمەن Peugeot اۆتوكولىكتەرىنىڭ شاعىنتوراپتى ءوندىرىسىن جولعا قويۋ جونىندە دە كەلىسىمگە قول جەتكىزىلگەن. بۇل وندىرىسكە دانەكەرلەۋ جانە بوياۋ جۇمىستارى دا كىرەدى. ال وسكەمەن قالاسىندا قۋاتى جىلىنا 120 مىڭ اۆتوكولىك شىعارا الاتىن تولىق سيكلدى زاۋىت سالىنۋدا. سونداي-اق، الماتى وبلىسىندا شاعىنتونناجدى جۇك كولىكتەرى مەن Hyundai اۆتوبۋسى ءوندىرىسى مەڭگەرىلدى.
اۆتور: جاپپاربەرگەن ايبوتا