رەسەي پرەزيدەنتىن سايلاۋ كۇنى 2018 -جىلدىڭ 18 - ناۋرىزىنا وزگەرتىلدى
ۋكراينا مەن باتىس ەلدەرى ماسكەۋ قىرىمدى حالىقارالىق قۇقىق نورمالارىن بۇزا وتىرىپ باسىپ الدى دەپ ايىپتاپ، قىرىمدى رەسەيدىڭ ءبىر بولىگى دەپ مويىنداۋدان باس تارتادى.
سايلاۋ كۇنىن وزگەرتۋدى مەملەكەتتىك دۋمانىڭ 381 دەپۋتاتى قولداپ، 36 دەپۋتاتى قارسى داۋىس بەردى، ءبىر دەپۋتات قالىس قالدى.
دەپۋتاتتار سونىمەن قاتار ايماقتىق سايلاۋ مەن پرەزيدەنت سايلاۋىندا تۇرعىلىقتى جەرى بويىنشا داۋىس بەرۋدەن باس تارتۋدى قاراستىراتىن ەرەجەنى دە ماقۇلدادى. ەندى تۇراقتى تىركەلگەن جەرىندە تۇرمايتىن ازاماتتار كەز- كەلگەن سايلاۋ ۋچاسكەسىنە سول جەردە داۋىس بەرۋگە تىركەلە الادى.
رەسەي زاڭدارى بويىنشا، پرەزيدەنت سايلاۋى ەگەر جۇمىس كۇنى بولماعان جاعدايدا ناۋرىزدىڭ ەكىنشى جەكسەنبىسىندە وتكىزىلۋى ءتيىس. تۇزەتۋ جوباسى بويىنشا، ەگەر ەكىنشى جەكسەنبى مەيرام كۇنىنىڭ اۋىستىرىلۋىنا بايلانىستى جۇمىس كۇنى دەپ بەلگىلەنسە، وندا سايلاۋ ناۋرىزدىڭ ءۇشىنشى جەكسەنبىسىنە شەگەرىلەدى. 2018 -جىلى ناۋرىزدىڭ ءۇشىنشى جەكسەنبىسى 18- ناۋرىزعا تۇسەدى. زاڭ جوباسىن دايىنداۋشىلار 11 - ناۋرىز رەسەيدە 8 - ناۋرىز - حالىقارالىق ايەلدەر كۇنى مەرەكەسىنەن كەيىنگى جۇمىس كۇنى بولادى دەيدى.
باقىلاۋشىلار كرەمل قازىرگى پرەزيدەنت ۆلاديمير پۋتينگە كوبىرەك داۋىس جيناۋ ءۇشىن سايلاۋشىلار سانىن ارتتىرۋدان ۇمىتتەنىپ سايلاۋدى 18 - ناۋرىزدا وتكىزبەك دەيدى. سەبەبى پۋتين 2014 -جىلى 18 - ناۋرىزدا قىرىمدى رەسەي قۇرامىنا قوسۋ تۋرالى كەلىسىمگە قول قويعان.
www.azattyq.org