تورەعالي « جىل تاڭداۋى-2017» بايگەسىنىڭ قۋلىعىن اشكەرەلەدى
تانىمال ءانشى بايقاۋعا قاتىسۋدان باس تارتىپ، بايگەنىڭ ءادىل وتپەگەنىن ايتتى، - دەپ حابارلايدى Stan.kz.
« جىل تاڭداۋى-2017» بايقاۋىنا قاتىساتىندار قاتارىندا 91 توبى بولعاندىقتان، تورەعالي تورەالى قاتىسۋدان باس تارتقان. ال بايقاۋ وتكەننەن كەيىن تورەعالي Instagram داعى جەكە پاراقشاسىندا ورىن العان ادىلەتسىزدىكتەردى اتاپ، ولەڭ جولدارىمەن جەتكىزدى. ول بايقاۋدا اينۇر تۇرسىنبايەۆامەن ايتىسقا ءتۇسىپ، جەڭىلىس تاپقان ديدار قاميەۆكە ولەڭ جولدارىن ارناعان ەكەن.
« بايگەنى بەرمەي جۇيرىك- تۇلپارلارعا،
جۇلدەنى بەرمەي قىران- سۇڭقارلارعا.
كەشەگى كەشتى جاساپ جۇرگەندەردىڭ
قۋلىعىمەن بولادى تۇلكى الداۋعا.
ديدارىم سەن حالىقتىڭ تاڭداۋىسىڭ
باسقالارىن بىلمەيمىن كىم تاڭداۋدا؟
اسىلىم- اۋ، عاسىردىڭ تاڭداۋى ەڭ عوي
جىلتىڭداپ ناعىپ ءجۇرسىڭ جىل تاڭداۋدا؟ !» ، - دەپ جازدى ءانشى.
ءوز كەزەگىندە ءانشىنىڭ جەلىدەگى وقىرماندارى دا بايقاۋدىڭ ادىلەتسىزدىگىن ايتىپ جاتتى. ءتىپتى، ايتىسكەر اينۇر تۇرسىنبايەۆانى سىناعاندار دا تابىلدى. « اينۇر تۇرسىنبايەۆانىڭ داۋرەنى ءوتتى. نەگە ول جۇلدەنى الا بەرەدى؟ » - دەپ جازدى جەلى قولدانۋشىلارىنىڭ ءبىرى.