تاجىكستاندا «جاۋىنگەرلىك باۋىرلاستىق-2017» وقۋ-جاتتىعۋى ءوتتى
بۇل تۋرالى قورعانىس مينيسترلىگىنىڭ باسپا ءسوز قىزمەتى حابارلايدى. ءبىر جارىم اي بويى رەسەي، ارمەنيا، قازاقستان جانە تاجىكستاننىڭ پوليگوندارىندا ۇ ق ش ۇ- نىڭ بارلىق ەلدەرىنەن كەلگەن اسكەري كونتينگەنتتەر اسكەرلەردىڭ كواليتسيالىق توپتامالارىن بىرلەسىپ جوسپارلاۋ جانە قولدانۋ شەبەرلىكتەرىن شىڭدادى.
وقۋ-جاتتىعۋدىڭ شەشۋشى كەزەڭى ءۇشىن تاجىك-اۋعان شەكاراسىنان 20 شاقىرىم قاشىقتىقتا ورنالاسقان «حاربمايدون» پوليگونى تاڭدالدى. وقۋ-جاتتىعۋدىڭ تۇپكى نيەتى بويىنشا ۇجىمدىق قاۋىپسىزدىك تۋرالى شارت ۇيىمىنىڭ ەلدەرىنىڭ بىرىنە وڭىردەگى جاعدايدى تۇراقسىزداندىرۋ ماقساتىندا زاڭسىز قارۋلى قۇرالىمدار باسا كوكتەپ كىردى.
ال ۇجىمدىق جەدەل دەن قويۋ بىرىككەن شتابى ۇلتتىق قارۋلى كۇشتەرگە كومەك كورسەتۋ ءۇشىن ۇقشۇ مۇشە مەملەكەتتەرىنىڭ اسكەري كونتينگەنتتەرىن قولدانۋعا شەشىم قابىلدادى. وقۋ-جاۋىنگەرلىك تاپسىرمالاردى ورىنداۋ ءۇشىن تاجىكستان رەسپۋبليكاسىنا ارنايى وپەراتسيالار كۇشتەرىنىڭ بولىمشەلەرى الماستىرىلدى جانە مايداندىق پەن اسكەري-كولىك اۆياتسياسىنىڭ 15 ۇشاعى تارتىلدى.
جاۋىنگەرلىك تاپسىرمالاردى العاننان كەيىن توپ كومانديرلەرى قويىلعان تاپسىرمالاردى ورىنداۋعا شەشىم قابىلدادى جانە كىرىستى.
ق ر ق ك ارنايى وپەراتسيالار كۇشتەرىنىڭ بولىمشەلەرى شىعۋى قيىن تاۋلى اۋدانداردا قوندىرۋ تاسىلىمەن دەسانتتاۋدى جاساۋدى جانە شارتتى قارسىلاستى وقشاۋلادى. قازاقستان ا ا ك مايداندىق اۆياتسياسى سودىرداردىڭ جينالاتىن، زاڭسىز قارۋلى قۇرالىمداردىڭ تەحنيكاسى مەن قارۋ-جاراعىنىڭ شوعىرلاناتىن جەرلەرىن بەلگىلەيتىن مەجەلەر ارقىلى ءدال زىمىران-بومبالىق سوققىلار جاسادى.
وسى ارەكەتتەرمەن سودىرلاردىڭ جاقىن ماڭداعى رەزەرۆتەرى ولاردىڭ نەگىزگى كۇشتەرىنەن اجىراتىلدى. بۇل باستى سوققى باعىتىندا تاجىكستان قارۋلى كۇشتەرى باتالوندىق تاكتيكالىق توپتارىنىڭ جاۋىنگەرلىك تاپسىرمالارىنىڭ ءساتتى ورىندالۋىن قامتاماسىز ەتتى.
تاجىكستان رەسپۋبليكاسىنىڭ قورعانىس ءمينيسترى گەنەرال-لەيتەنانت شەرالى ميرزو جابىلۋ سالتاناتىندا وقۋ-جاتتىعۋدىڭ بارلىق قاتىسۋشىلارىنا جوعارى باعا بەردى. ال وقۋ-جاتتىعۋدىڭ جەتەكشىسى ر ف ق ك ورتالىق اسكەري وكرۋگى اسكەرلەرىنىڭ قولباسشىسى گەنەرال- پولكوۆنيك ۆلاديمير زارۋدنيتسكي وقۋ-جاتتىعۋدىڭ بارلىق كەزەڭدەرىندە كوپ ۇلتتىق اسكەري كونتينگەنتتىڭ ءىس-قيمىلدارىنىڭ ناقتىلىعى مەن ۇيلەسىمدىلىگىن اتاپ ءوتتى.
ۇزدىك اسكەري قىزمەتشىلەر مەدالدارمەن، باعالى سىيلىقتار جانە گراموتالارمەن ماراپاتتالدى.
«ەلىمىزدىڭ قارۋلى كۇشتەرىنىڭ جاۋىنگەرلەرى كەزەكتى رەت وزدەرىنىڭ جوعارى جاۋىنگەرلىك ماشىقتارى مەن كاسىپقويلىقتارىن پاش ەتتى. بۇل ەلباسىمەن ايقىندالعان اسكەرىمىزدىڭ دۇرىس باعىتتاعى دامۋ جولىن بىلدىرەدى جانە قورعانىس مينيسترىمەن ىسكە اسىرىلۋدا»، - دەدى قازاقستان رەسپۋبليكاسىنان اسكەري كونتينگەنتتى باسقارعان ق ر ق ك باس شتابى باستىعىنىڭ ورىنباسارى گەنەرال- مايور ادىلبەك الدابەرگەنوۆ.