ۋنيۆەرسيادا-2017: دميتري بالاندين ەكىنشى مەدالعا قول جەتكىزدى
21:57, 23 - تامىز 2017
استانا. قازاقپارات - قىتايدىڭ تايبەيىندە ءوتىپ جاتقان جازعى 2017-جىلعى ۋنيۆەرسيادا ويىندارىندا دميتري بالاندين ەكىنشى مەدالعا قول جەتكىزدى، دەپ حابارلايدى قازاقپارات ءتىلشىسى.
ول بۇگىن 200 مەترگە براسس ادىسىمەن جۇزۋدەن مارە سىزىعىن ەكىنشى بولىپ كەسىپ، كۇمىس جۇلدەگەر اتاندى.
بالاندين اتالعان قاشىقتىقتى 2 مينۋت 9 سەكۋندتا ءجۇزىپ ءوتتى. بۇل سىندا باس جۇلدەنى امەريكالىق ەندريۋ ۋيلسونعا (2 مينت 8 سەكۋند) جەڭىپ السا، ءۇشىنشى ورىندى رەسەيلىك رۋستام گاديروۆ (2 مينۋت 9 سەكۋند).
ايتا كتەرلىگى، بۇل - بالانديننىڭ تايبەي ۋنيۆەرسياداسىنداعى ەكىنشى جۇلدەسى. بۇعان دەيىن ول 100 مەترگە براسس ادىسىمەن جۇزۋدە قولا مەدال العان.
اۆتور: كۇنسۇلتان وتارباي