ەكسپو-2017 كورمەسىنىڭ رەسمي سايتىنا حاكەرلىك شابۋىل جاسالدى
16:16, 21 - تامىز 2017
استانا. قازاقپارات - جەكسەنبى كۇنى «ەكسپو-2017» حالىقارالىق مامانداندىرىلعان كورمەسىنىڭ رەسمي سايتىنا حاكەرلىك شابۋىل جاسالدى، دەپ حابارلادى قازاقپاراتقا كورمەنىڭ باسپا ءسوز قىزمەتىنەن.
«20- تامىز كۇنى ساعات 23:00 كەيىن (استانا ۋاقىتىمەن) expo2017.astana.com سايتى ورنالاسقان سەرۆەرگە اۋقىمدى Ddos-شابۋىل جاسالعانى تىركەلدى.
زيانكەستەر ءارتۇرلى IP- مەكەن جايلارىنان سايتقا ۇلكەن جۇكتەمەنى جاساي وتىرىپ (سەكۋندىنا 20 مىڭ وتىنىمنەن جولداۋ)، سەرۆەردى ىستەن شىعارۋعا ارەكەت جاسادى.
تەحنيكالىق قىزمەتتىڭ بىرلەسكەن جۇمىسى ارقاسىندا سەرۆەردىڭ جۇمىسى تولىق قالپىنا كەلتىرىلدى. Ddos-شابۋىلىنىڭ بارلىق دەرەكتەرى ارنايى قىزمەتتەرگە جىبەرىلدى»، - دەلىنگەن تاراتىلعان حابارلامادا.