حالىقارالىق «جىبەك جولى - 2017» راللي جارىسىندا قازاقستاندىق ۇزدىك ۇشتىككە كىردى

استانا. قازاقپارات - قازاقستاندىق ارتۋر ارداۆيچيۋس «جىبەك جولى - 2017» راللي جارىسىنىڭ ءتورتىنشى كەزەڭىندە 3-ورىن الدى، دەپ حابارلايدى تاسس.

حالىقارالىق جارىستىڭ مارە سىزىعىن ءبىرىنشى بولىپ چەح سپورتشىسى مارتين كولوم كەسىپ ءوتتى. ەكىنشى ورىنعا گوللانديالىق جەرار دە روي تۇراقتاسا، قازاقستاندىق سپورتشى ارتۋر ارداۆيچيۋس ۇزدىك ۇشتىكتى تۇيىندەدى.

بيىلعى راللي 7 -شىلدە كۇنى ماسكەۋ قالاسىندا باستالعان بولاتىن. استانادان كەيىن جارىس قاتىسۋشىلارى سەمەي مەن ءۇرجار ارقىلى قىتايعا ءوتىپ كەتەدى. ال 22 -شىلدەدە شيان قالاسىندا جەڭىمپازدار انىقتالادى. «جىبەك جولى - 2017» رالليىنە 35 ەلدىڭ 90 ەكيپاجى قاتىسۋدا. ولاردىڭ قۇرامىندا 41 جول تالعامايتىن كولىك پەن 21 جۇك كولىگى بار. جارىستى 196 مەملەكەتتە 55 ءىرى بۇقارالىق اقپارات قۇرالدارى كورسەتىپ جاتىر.

ايتا كەتەيىك، حالىقارالىق راللي قاتىسۋشىلارىنىڭ استاناعا كەلگەندىگى تۋرالى بۇعان دەيىن حابارلاعان بولاتىنبىز.