ەكسپو-2017 كورمەسىنىڭ اشىلۋى الەمدەگى عالامتور پايدالانۋشىلارىن تاڭ قالدىردى
الەمنىڭ تۇكپىر- تۇكپىرىنەن تىكەلەي ترانسلياتسيانى تاماشالاعاندار العان اسەرلەرىن عالامتوردا جاريا ەتۋگە اسىقتى، دەپ حابارلايدى قازاقپارات.
ەسكە سالا كەتسەك، 2017 -جىلى 9 - ماۋسىمدا ق ر پرەزيدەنتى نۇرسۇلتان نازاربايەۆ ەكسپو-2017 حالىقارالىق مامانداندىرىلعان كورمەسىن اشىق دەپ جاريالادى. ايتا كەتەيىك، كورمەنىڭ رەسمي اشىلۋ ءراسىمى كونگرەسس- ورتالىعىندا ءوتىپ، كەيىن ول امفيتەاترداعى كونسەرتتىك باعدارلامامەن جالعاستى. كونسەرت اياقتالعان سوڭ كورەرمەندەر سفەراداعى پروەكتسيالىق لازەرلى شوۋدى جانە تاڭعاجايىپ وتشاشۋدى تىكەلەي ترانسلياتسيا كومەگىمەن الەمنىڭ تۇكپىر- تۇكپىرىندەگى ادامدار تاماشالادى.
اشىلۋ ءراسىمى كوڭىلىنەن شىققانداردىڭ ءبىرى سوناۋ وڭتۇستىك امەريكانىڭ تۇرعىنى Katharina Brandt ەسىمدى پايدالانۋشى. ول: «جاڭبىرلى چيليدىڭ وڭتۇستىگىنەن جالىندى سالەم! قازاقستانعا جانە ت م د- عا سالەم! قۇرمەتتى وتانداستار بەيبىتشىلىك پەن سۇيسپەنشىلىك بولسىن!»، دەپ جازدى تىكەلەي ەفيردەگى سالتاناتتى شارانى تاماشالاي وتىرىپ.
ليۋدميلا فالكو بولسا: «قازاقستانعا العىس ايتامىن! سوندا تۇرعان كەزىمدە ءومىرىمنىڭ ۇمىتىلماس ساتتەرى ءوتتى. ساعىنامىن، سىزدەرگە ەڭ جاقسىنى جانە بەيبىتشىلىكتى تىلەيمىن. سالەممەن لوندوننان»، - دەپ تۇماندى البيوننان جالىندى سالەم جولدادى. ال اقجولبەك قوڭىروۆ: «قىرعىزستاننان سالەم! قازاقتار جارايسىڭدار!»، دەپ قوشەمەت بىلدىرسە، «گەرمانياداعىلار دا تاماشالاپ وتىر. وتانىم قازاقستانىمدى سۇيەمىن!»، دەپ جازدى نەللي گيس. «قازاقستانعا سالەم!!! وتە تاماشا!
سىزدەردى ۆورونەج (رەسەي) تاماشالاپ وتىر. استانانىڭ بۇرىنعى تۇرعىنى»، دەپ جازدى حالىقارالىق كورمەنىڭ اشىلۋ ءراسىمىن كورىپ وتىرعان رەسەيلىك زينايدا ماريانوۆا. اتاپ ايتقاندا، شامامەن 15 مينۋتقا سوزىلعان وتشاشۋ تاڭعاجايىپ كورىنىسكە اينالدى. كورمە اۋماعىنداعى مەديا- ورتالىق قىزمەتكەرلەرىنىڭ مالىمەتىنشە، فەيەرۆەركتى ۇيىمداستىرۋ ءۇشىن «استانا ەكسپو-2017» ۇلتتىق كومپانياسى شەتەل كومپانياسىن تارتقان كورىنەدى. پيروتەحنيك ماماندار مەن وتشاشۋ سناريادتارى تۋرالى اقپارات كەيىن بەلگىلى بولماق.
ايتا كەتەرلىگى، ەكسپو-2017 حالىقارالىق مامانداندىرىلعان كورمەسىنىڭ سالتاناتتى اشىلۋ راسىمىنە ءبىرقاتار ەلدىڭ مەملەكەت جانە ۇكىمەت باسشىلارى قاتىستى. ولاردىڭ اراسىندا چەحيا رەسپۋبليكاسىنىڭ پرەزيدەنتى ميلوش زەمان، ليۋكسەمبۋرگ ۇلى گەرتسوگتىگىنىڭ پرەمەر- ءمينيسترى كساۆە بەتتەل، قىرعىزستان پرەزيدەنتى المازبەك اتامبايەۆ، ارمەنيا پرەزيدەنتى سەرج سارگسيان، وزبەكستان پرەزيدەنتى شاۆكات ميرزيەيەۆ، سەربيا پرەزيدەنتى الەكساندر ۆۋچيچ، ءۇندىستان پرەمەر- ءمينيسترى نارەندرا مودي، قحر ءتوراعاسى سي تسزينپين، بەلارۋس پرەزيدەنتى الەكساندر لۋكاشەنكو، موڭعوليا پرەزيدەنتى تساحياگيين ەلبەگدورج، تۇرىكمەنستان پرەزيدەنتى گۋربانگۋلى بەردىمۇxامەدوۆ، پاكىستان پرەمەر- ءمينيسترى ناۆاز شاريف، تاجىكستان پرەزيدەنتى ەمومالي راحمون، يسپانيا كورولى فيليپپ Vى، سونداي- اق رەسەي پرەزيدەنتى ۆلاديمير پۋتين بار.