قاسىم-جومارت توقايەۆ «ەكسپو-2017» كورمەسىنە ب ۇ ۇ- نىڭ نازار اۋدارعانىن جوعارى باعالادى
كەزدەسۋ بارىسىندا قاسىم-جومارت توقايەۆ الداعى حالىقارالىق كورمەگە ب ۇ ۇ- نىڭ مۇددەلىلىك تۇرعىسىندا نازار اۋدارىپ وتىرعانىن جوعارى باعالادى.
«كورمەنىڭ 9- ماۋسىمداعى اشىلۋىنا ب ۇ ۇ باس حاتشىسى انتونيو گۋتەرريشتىڭ قاتىسۋى مەن 13- ماۋسىمدا ب ۇ ۇ كۇنىنىڭ ۇيىمداستىرىلۋى ب ۇ ۇ ورنىقتى دامۋ ماقساتتارىن ىسكە اسىرۋعا باعىتتالعان كۇن تارتىبىنە حالىقارالىق قوعامداستىقتىڭ باسا نازار اۋدارىپ وتىرعانىن كورسەتەدى»، - دەدى سەنات ءتوراعاسى.
بۇنىمەن قوسا، سپيكەر «ەكسپو-2017» كورمەسىندەگى ب ۇ ۇ كۇنىنە ءوزى دە قاتىساتىنىن جەتكىزدى.
پالاتا ءتوراعاسى سونىمەن قاتار، ەكسپو بازاسىندا جاسىل تەحنولوگيا مەن ينۆەستيتسيا ورتالىعىن قۇرۋ جونىندەگى قازاقستان پرەزيدەنتىنىڭ باستاماسىن دايەكتى تۇردە قولداپ كەلە جاتقانى ءۇشىن ب ۇ ۇ دامۋ باعدارلاماسىنا العىس ايتتى.
اۆتور: قانات مامەتقازى ۇلى