استانادا ەكسپو-2017 كەزىندە قۇرىلىس جۇمىستارىنا رۇقسات بەرۋ شەكتەلەدى
بۇل تۋرالى 3- ماۋسىدا كۇشىنە ەنگەن استانا قالاسى اكىمدىگىنىڭ «ەكسپو-2017» حالىقارالىق مامانداندىرىلعان كورمەسىن وتكىزۋ كەزىندە استانا قالاسىندا جەر، ساۋلەت-قۇرىلىس جۇمىستارىن جۇرگىزۋگە بايلانىستى ءبىرقاتار ماسەلەلەر تۋرالى» قاۋلىسىندا ايتىلعان، دەپ حابارلايدى Elorda.info.
بۇل قۇجات 2017-جىلدىڭ 5- ماۋسىم مەن 10- قىركۇيەك ارالىعىندا «ەكسپو-2017» حالىقارالىق مامانداندىرىلعان كورمەسىن وتكىزۋ كەزىندە استانا قالاسىندا جەر، ساۋلەت-قۇرىلىس ءوندىرىسىن جۇرگىزۋگە رۇقسات بەرۋدى شەكتەيدى.
بۇل شەكتەۋ مەنشىكتىڭ جەكەلەگەن تۇرىنە قاراماستان بارلىق كاسىپورىندار مەن ۇيىمدارعا ارەكەت ەتەدى.
«استانا قالاسى «الماتى»، «ەسىل» جانە «سارىارقا» اۋداندارىنىڭ اكىمدەرى استانا قالاسىندا رۇقسات ەتىلمەگەن جەر، ساۋلەت-قۇرىلىس جۇمىستارىن باقىلاۋ ماقساتىندا موبيلدى توپ قۇرىپ، استانا قالاسى اۋماعىنىڭ اباتتىق جاعدايىن باقىلاۋدا ۇستاۋى كەرەك»، - دەلىنگەن استانا قالاسىنىڭ اكىمى اسەت يسەكەشوۆتىڭ قول قويعان قۇجاتىندا.