شاڭحايداعى دۇنيەجۇزىلىك مۋزەيدە ەكسپو-2017 ەكسپوزيتسياسى اشىلدى - فوتو
قازاقستاندىق ستەندتىڭ اشىلۋى «WE Talk» تۇڭعىش فورۋمى اياسىندا ءوتتى. وندا ساراپشىلار ءسوز سويلەپ، ادامزاتتىڭ عىلىمي- تەحنيكالىق دامۋىنداعى ەكسپونىڭ ءرولىن تالقىلادى.
شاراعا قازاقستان رەسپۋبليكاسىنىڭ شاڭحاي قالاسىنداعى باس كونسۋلى جوشىحان قىراۋبايەۆ باستاعان وكىلدەر قاتىستى. قوناقتارعا ەكسپو-2017 تۋرالى ۆيدەوروليك كورسەتىلدى. سونداي-اق ولاردىڭ قۇرمەتىنە قىتايداعى قازاقستاندىق ستۋدەنتتەر قاۋىمداستىعىنىڭ شاڭحاي بولىمشەسىنىڭ بەلسەندىلەرى ءبي بيلەپ، ءان شىرقادى.
ەسكە سالا كەتەيىك، 2010 -جىلى قاراشادا حالىقارالىق كورمە بيۋروسى شاڭحايدا دۇنيەجۇزىلىك ەكسپو كورمەسىنە ارنالعان الەمدەگى العاشقى تاقىرىپتىق مۋزەي قۇرۋ تۋرالى شەشىم شىعاردى. 2017 -جىلدىڭ 1 -مامىرىندا الەمدىك قاۋىمداستىقتىڭ عىلىمي- تەحنيكالىق جانە مادەني جەتىستىكتەرىن پاش ەتەتىن جاڭا كەشەن اشىلدى.