الەمگە ايگىلى ساندي توقانوۆا ەكسپو-2017 اياسىندا ونەر كورسەتپەك
13:18, 05 - ءساۋىر 2017
استانا. قازاقپارات - 2- قىركۇيەك كۇنى ەلوردانىڭ ەكسپو-2017 اۋماعىندا الەمگە ايگىلى ۆيولونچەلشى ساندي توقانوۆا جانە دۇنيە ءجۇزىنىڭ وزگە دە تانىمال كلاسسيكالىق مۋزىكا مايتالماندارى ءوز ونەرلەرىن پاش ەتەتىن بىرەگەي كونسەرت وتەدى، دەپ حابارلايدى قازاقپارات «استانا ەكسپو-2017» ۇلتتىق كومپانياسىنا سىلتەمەمەن.
ساندي توقانوۆا الەمگە Sandi Toka Nova دەگەن لاقاپ اتپەن تانىمال جانە قازىر شۆەيتساريادا سيمفونيالىق وركەستردىڭ سوليسى بولىپ جۇمىس ىستەيدى.
قازاقستاندىق ءارتىس ءجيى گاسترولدەرگە شىعىپ، بەدەلدى مۋزىكا فەستيۆالدەرىنە قاتىسۋدا. كونسەرت اياسىندا ساندي توقانوۆا، بريتانيالىق سكريپكاشى توماس گۋلد پەن فرانسۋز پيانيسى جۋلەن كۆەنتين ءبىرىنشى رەت بىرگە ونەر كورسەتەدى جانە بەتحوۆەننىڭ ءۇش كونسەرتىن قويادى.
توماس گۋلد پەن اعىلشىن وپەرا ءانشىسى ماري بيەۆاننىڭ بىرلەسكەن ونەرى كەشتىڭ تاعى ءبىر سانىنە اينالماق. مۋزىكا كەشى قانات وماروۆتىڭ باسقارۋىنداعى قازاقستان رەسپۋبليكاسىنىڭ مەملەكەتتىك اكادەميالىق سيمفونيالىق وركەسترىنىڭ سۇيەمەلدەۋىمەن وتەدى.
اۆتور: جاسۇلان جولدىبايەۆ