جاپونيا پارلامەنتىنىڭ دەپۋتاتتارى «استانا ەكسپو-2017» كورمەسىنە كەلۋگە نيەتتى
قازىرگى ۋاقىتتا ليگا كەڭەستەر پالاتاسى مەن وكىلدەر پالاتاسىنىڭ 40 تان استام دەپۋتاتىنىڭ، سونىڭ ىشىندە قىزمەتتەگى جاپونيا مينيسترلەر كابينەتىنىڭ مۇشەلەرىنىڭ باسىن قوسىپ وتىر.
پارلامەنتشىلەردەن تىس، ءىس-شاراعا سىرتقى ىستەر مينيسترلىگىنىڭ، ەكونوميكا، ساۋدا جانە يندۋستريا مينيسترلىگىنىڭ، سونداي-اق جاپونيا سىرتقى ساۋدا ۇيىمىنىڭ وكىلدەرى قاتىستى (JETRO).
جاپونياداعى قازاقستان ەلشىسى ەرلان باۋداربەك-قوجاتايەۆ جاپوندىق زاڭ شىعارۋشىلاردى قازاقستاننىڭ ساياسي جانە الەۋمەتتىك-ەكونوميكالىق ءومىرىنىڭ سوڭعى ۇردىستەرىمەن تانىستىردى.
ليگا ءتوراعاسى، بيلەۋشى ليبەرالدىق-دەموكراتيالىق پارتيانىڭ (ل د پ) كورنەكتى ساياساتكەرى تاكەو كاۆامۋرا وتكەن جىلعى ق ر پرەزيدەنتىنىڭ رەسمي ساپارىنىڭ تاريحي مانگە يە بولىپ تابىلاتىندىعىن، سونداي-اق ەكى ەل اراسىنداعى ساياسي بايلانىستاردىڭ جوعارى قارقىنىن ساقتاۋدىڭ ماڭىزدى ەكەندىگىن اتاپ كورسەتتى.
ل د پ باس حاتشىسىنىڭ ورىنباسارى اكيرا ساتو قازاقستانداعى ساياسي-ەكونوميكالىق رەفورمالاردى جوعارى باعالادى. ونىڭ ارقاسىندا استانادا، ورتالىق ازيادا العاش رەت ەكسپو-2017 حالىقارالىق كورمەسى وتكىزىلەدى.
جاپونيا پارلامەنتى كەڭەستەر پالاتاسى ارنايى كوميتەتىنىڭ ديرەكتورى ساتسۋكي كاتاياما اتاپ وتكەندەي، تاۋىلسىزدىك جىلدارى ىشىندە قازاقستان جۇرگىزىلىپ وتىرعان رەفورمالاردىڭ تيىمدىلگىن كورسەتتى. سونىڭ ناتيجەسىندە جاپونيامەن ءوزارا پايدالى ەكونوميكالىق ارىپتەستىكتى كەڭەيتۋگە جاڭا مۇمكىندىكتەر اشىلدى.
ليگا جينالىسىنىڭ قورىتىندىسى بويىنشا ءىس-شاراعا قاتىسۋشىلار ەكسپو-2017 وتكىزىلەتىن كۇندەرى استاناعا جاپونيا پارلامەنتتىك دەلەگاتسياسىنىڭ ساپارىن ۇيىمداستىرۋعا قاتىستى جوسپارالارى تۋرالى ايتىپ ءوتتى.