قازاقستاننىڭ 2017-جىلعى ەڭ ادەمى كويلەگى تاڭداپ الىنادى
07:30, 16 - ناۋرىز 2017
استانا. قازاقپارات - دۇنيەجۇزىلىك سۇلۋلىق كونگرەسىنىڭ قازاقستانداعى وكىلدىگى «قازاقستاننىڭ جىل كويلەگى 2017» اتتى جىل سايىنعى ديزاينەرلەر مەن سانگەرلەر سايىسىن وتكىزەدى.
بايقاۋدىڭ فينالدىق كەزەڭى 24- مامىر كۇنى الماتى قالاسىندا وتەدى. «قازاقستاننىڭ جىل كويلەگى» سايىسى قازاقستان رەسپۋبليكاسىنىڭ fashion-يندۋسترياسىندا شاعىن جانە ورتا بيزنەستى دامىتۋ ءۇشىن ەداۋىر ماڭىزعا يە.
بايقاۋدىڭ بىرەگەيلىگى - قاتىسۋشىلار وزدەرىنىڭ بارلىق كۇشىن، ۋاقىتىن جانە دارىنىن سالىپ جاساعان ءبىر كويلەكتى عانا ۇسىناتىن بولادى»، - دەيدى جوبا ۇيىمداستىرۋشىلارى.
العاشقى بەس جەڭىمپاز «الەم كويلەگى»، «Dress of the World» دۇنيەجۇزىلىك سانگەرلەر مەن ديزاينەرلەر سايىسىندا قازاقستاننىڭ اتىنان شىعۋعا مۇمكىندىك الادى.
اۆتور: ميرا تولەندى قىزى