ازيادا-2017: مەدالعا يە بولعان قازاقستاندىق سپورتشىلار قانشا سىياقى الادى
دەپ حابارلايدى قازاقپارات ءتىلشىسى.
ەلىمىزدىڭ سپورت زاڭدارىنا سايكەس، حالىقارالىق ارەنادا قازاقستان نامىسىن بيىكتەن كورسەتكەن سپورتشىلارىمىزعا اقشالاي سىياقى بەرۋ كوزدەلگەن بولاتىن. ول ق ر 2014 -جىلدىڭ 19 - جەلتوقسانىنداعى №1435- جارلىعىمەن رەتتەلگەن. سول زاڭ- ەرەجەلەرگە سۇيەنسەك، ازيا ويىندارىندا جەڭىمپاز اتانعان سپورتشىعا - 10 مىڭ، كۇمىس جۇلدەگەرگە - 5 مىڭ، ال قولا مەدال العاندارعا 3 مىڭ ا ق ش دوللارى بەرىلەتىنى انىق كورسەتىلگەن.
جاپونيانىڭ ساپپورو قالاسىندا وتكەن VIII قىسقى ازيا ويىندارىندا قازاقستان قۇراماسى 32 جۇلدەگە - 9 التىنعا، 11 كۇمىس جانە 12 قولاعا يە بولدى. مەدالدار سانىنا قاراپ، قاي سپورتشى قانشا سىياقى الاتىنىن ەسەپتەي بەرۋگە بولادى.
كوماندالىق ويىندار مەن ەستافەتاعا قاتىسۋشىلارعا دا وسىنداي سومما جەكە- جەكە تولەنەدى. وسىلايشا، حوككەيدەن قازاقستان قۇراماسىنىڭ 22 ويىنشىسى ءبىرىنشى ورىن ءۇشىن ءارقايسىسى 10 مىڭ دوللاردان الادى.
ال باپكەرلەر ۋنيۆەرسيادا مەن وليمپياداعا قاراعاندا ازيا ويىندارىندا سپورتشىلاردان ازىراق سىياقى الادى. التىن جۇلدە ءۇشىن باپكەر - 5 مىڭ، كۇمىسكە - 3 مىڭ، ال قولا ءۇشىن 2 مىڭ ا ق ش دوللارىنا يە بولادى.
جالپى، ازيادا-2017 سايىستارىندا جۇلدە العان سپورتشىلار مەن باپكەرلەرگە مەملەكەت 693 مىڭ دوللار نەمەسە 215 ميلليون 523 تەڭگە جۇمسايدى. سىياقى رەسپۋبليكالىق بيۋدجەتتەن تولەنەدى.
ايتا كەتەيىك، ۋنيۆەرسيادا-2017 سايىستارىندا سپورتشىلار مەن باپكەرلەرگە 458 ميلليون 200 مىڭ تەڭگە، وليمپيادا-2016 ءۇشىن 1 ميلليارد 551 مىڭ 420 تەڭگە تولەندى.
اۆتور: كۇنسۇلتان وتارباي