امەريكا ەكسپو-2017 كورمەسىنە جوعارى دايىندىقپەن قاتىسۋعا مۇددەلى
«استانا ەكسپو-2017» ۇ ك» ا ق قوعاممەن بايلانىس دەپارتامەنتىنىڭ حابارلاۋىنشا، باسقوسۋ بارىسىندا ەكى جاق ەكسپو-2017 كورمەسىنە دايىندىق ماسەلەلەرىن تالقىلادى. احمەتجان ەسىموۆ امەريكالىق قوناقتاردى حالىقارالىق كورمەگە دايىندىق دەڭگەيىمەن تانىسىردى. ۇلتتىق كومپانيا باسشىسى 115 مەملەكەت پەن 18 حالىقارالىق ۇيىمنىڭ كورمەگە قاتىساتىندىعىن رەسمي راستاعاندىعىن اتاپ ءوتتى. پاۆيلونداردى حالىقارالىق قاتىسۋشىلارعا تاپسىرۋ بويىنشا بەلسەندى جۇمىس جۇرگىزىلۋدە. ايتالىق، حالىقارالىق قاتىسۋشىلاردىڭ 18- ءىءوز پاۆيلوندارىن مازمۇندىق تولتىرۋ جۇمىستارىنا كىرىسىپ كەتتى.
سونىمەن قاتار، ا ق ش دەلەگاتسياسى ەكسپو-2017 قۇرىلىسى الاڭى مەن ۇيىمداستىرۋشىلار كەڭسەسىندە بولدى.
«بۇگىن ءبىز كورمەنىڭ قۇرىلىس الاڭىنداعى جۇمىسىمەن تانىستىق. ۇيىمداستىرۋشىلاردىڭ اۋقىمدى ەڭبەگىنىڭ كۋاسى بولدىق. حالىقارالىق قاۋىمداستىقتىڭ كورمەگە دەگەن ۇلكەن قىزىعۋشىلىعى بايقالادى. سوندىقتان دۇنيەجۇزىندەگى تەحنولوگيالىق ليدەر رەتىندە ەكسپو-2017 كورمەسىندە ابىرويلى قاتىسۋى ءۇشىن بارلىق كۇش- جىگەرىمىزدى سالاتىن بولامىز»، - دەدى تودد ۋليام.
ەسكە سالا كەتەيىك، كورمە 2017 - جىلعى 10 - ماۋسىم مەن 10 - قىركۇيەك ارالىعىندا استانا قالاسىندا وتكىزىلەدى. جالپى العاندا، ەكسپو-2017 حالىقارالىق مامانداندىرىلعان كورمەسىن تاماشالاۋعا شامامەن 2 ميلليوننان استام ادام كەلەدى جانە 5 ميلليون كەلۋشى بولادى دەپ كۇتىلۋدە.
اۆتور: جاسۇلان جولدىبايەۆ