ورىس تىلىندە وقىتاتىن مەكتەپتەردە 2017 -جىلدان قازاق ءتىلىن مەڭگەرۋ كەمشىلىكتەرى جويىلادى
بۇل تۋرالى بۇگىن استانادا قازاقستان ءبىلىم سالاسى قىزمەتكەرلەرىنىڭ رەسپۋبليكالىق تامىز كەڭەسىندە ق ر ءبىلىم جانە عىلىم ءمينيسترى ەرلان ساعاديەۆ ءمالىم ەتتى.
«مەملەكەتتىك ءتىلدى ودان ءارى قاراي دامىتۋ جانە جاڭا ادىستەمەنى ەنگىزۋگە توقتالاتىن بولساق، بىزدە جىل سايىن قازاق تىلىندە وقيتىن وقۋشىلار سانى وسۋدە. بۇگىندە جەتپىس پايىز مەكتەپ وقۋشىلارى قازاقشا ءبىلىم الۋدا. بيىل بالالاردىڭ 72 پايىزى قازاق تىلىندە ۇ ب ت تاپسىردى. 2016 -جىلى جوعارى وقۋ ورىندارىنا بولىنگەن گرانتتاردىڭ 80 پايىزى مەملەكەتتىك تىلدەگى ماماندىقتار. ءبىراق، ءالى دە شەشىلمەگەن ماڭىزدى ماسەلەنى ايتاتىن بولساق، ورىس مەكتەپتەرىندە قازاق ءتىلى وقىتىلسا دا، ولار مەملەكەتتىك ءتىلدى كۇندەلىكتى ومىردە قولدانبايدى. سول مەكتەپتەردە جاڭا ادىستەمە كەرەك بولىپ تۇر جانە ونى بارلىعىمىز تۇسىنەمىز»، - دەدى مينيستر.
وسى رەتتە ە. ساعاديەۆ جاڭا ادىستەمەنى بىرلەسىپ دايىنداۋعا وتاندىق عالىمدار مەن ادىسكەرلەر جۇمىلدىرىلعانىن ايتا كەلە: «ادىستەمەنىڭ نەگىزگى جوباسى دايىن جانە ول كەشەگى سەسسيادا تانىستىرىلىپ، تالقىلاندى. 2017 -جىلعى وقۋ جىلىنان باستاپ ورىس تىلىندە وقيتىن بالالارعا قازاق ءتىلىن ۇيرەتەتىن سول جاڭا كوممۋنيكاتيۆتىك تەحنولوگيالاردى ەنگىزە باستايمىز. داريعا نۇرسۇلتان قىزى (پرەمەر- ءمينيستردىڭ ورىنباسارى)، ءسىزدىڭ بەرگەن تاپسىرماڭىزعا سايكەس، ادىستەمە ءارى قاراي وقۋشىلارمەن بىرگە ەرەسەك ادامدارعا دا ۇسىنىلادى»، - دەدى.
اۆتور: رۋسلان عابباسوۆ