دميتري بالاندين ۋنيۆەرسيادا-2017 الاۋىن الىپ جۇرەدى
بۇل تۋرالى «قازاقپارات» ح ا ا تىلشىسىنە 2017 -جىلى الماتىدا وتەتىن 28- بۇكىل الەمدىك قىسقى ۋنيۆەرسيادانىڭ الاۋ ەستافەتاسى ديرەكسياسىنىڭ مەنەدجەرى كيريلل پيارتەل حابارلادى.
«وليمپيادا قورىتىندىسى جاريالانعاننان كەيىن-اق، ۇيىمداستىرۋشىلار كوميتەتى رەسمي ىرىكتەۋ بايقاۋىنىڭ باستالۋىن كۇتپەستەن، ۋنيۆەرسيادا الاۋىن الىپ ءجۇرۋ مارتەبەسىن دميتري بالاندينگە بەرۋ تۋرالى شەشىم قابىلدادى. مۇندا ونىڭ الماتىدا تۋىپ- وسكەنى، الماتىداعى ج و و- دا ءبىلىم الىپ جاتقانى دا ەسكەرىلدى»، - دەپ ءتۇسىندىردى ديرەكسيا.
الاۋ ەستافەتاسىنا بارشا قازاقستاننان 1000 ادام قاتىسادى.
«الاۋ ۇستاۋشىلاردىڭ u ستۋدەنتتەر بولماق. ستۋدەنتتەر اراسىنان سپورت، عىلىم، مادەنيەت سىندى ءوزىن جان- جاقتى قىرىنان كورسەتىپ جۇرگەن ۇزدىك ستۋدەنتتەر تاڭداپ الىنادى»، - دەدى ك. پيارتەل.
2017 -جىلى الماتىدا وتەتىن 28- بۇكىل الەمدىك قىسقى ۋنيۆەرسيادانىڭ الاۋ ەستافەتاسىنا قاتىسۋشىلاردى رەسمي ىرىكتەۋ بايقاۋى 2016 -جىلدىڭ 1 -قىركۇيەگىندە باستالادى جانە 16 -جەلتوقسان كۇنى الاۋ ۇستاۋشىلاردىڭ قورىتىندى ءتىزىمى جاريالانادى.