تۇركيا ەكسپو-2017 كورمەسىنە قاتىسادى
قۇجاتقا «استانا ەكسپو-2017» ۇلتتىق كومپانياسىنىڭ باسقارما ءتوراعاسى احمەتجان ەسىموۆ «ەكسپو-2017» كورمەسىنىڭ تۇرىك سەكتسياسىنىڭ كوميسسارى، تۇركيانىڭ ەكونوميكا ءمينيسترىنىڭ ورىنباسارى تارىك سونمەز قول قويدى.
احمەتجان ەسىموۆ كەزدەسۋ بارىسىندا تۇركيا ەكسپو-2017 كورمەسىن وتكىزۋ قۇقىعىنا قازاقستان كانديداتۋراسىن قولداعاندىعىن جانە كورمەگە قاتىساتىن باسىم ەلدەردىڭ تىزىمىنە ەنەتىندىگىن اتاپ ءوتتى.
«تۇركيا پاۆيلونى كورمەدە ەڭ ۇلكەن پاۆيلونداردىڭ ءبىرى بولادى. وسى ارقىلى تۇركيا رەسپۋبليكاسى ەكسپو-2017 كورمەسىندە ءوزىنىڭ بالامالى ەنەرگيا كوزدەرى سالاسىنداعى ەڭ ۇزدىك جەتىستىكتەرىن پاش ەتەتىندىگىنە سەنەمىن» ، - دەدى احمەتجان ەسىموۆ.
قازىرگى ۋاقىتتا انتاليا قالاسىندا ەكسپو-2016 باۋ- باقشا كورمەسى وتۋدە. وندا قازاقستان بەلسەندى قاتىسۋدا. وسى تۇرعىدا ۇلتتىق كومپانيا باسشىسى تۇركيانىڭ حالىقارالىق كورمە وتكىزۋ تاجىريبەسى قازاقستان ءۇشىن قىزىقتى ەكەنىن دە جەتكىزدى.
ءوز كەزەگىندە تۇركيانىڭ ەكونوميكا ۆيتسە-ءمينيسترى استاناداعى كورمەدە تۇركيا جاڭعىرتىلاتىن ەنەرگيا كوزدەرىندەگى بارلىق مۇمكىندىكتەرىن كورسەتە الاتىندىعىنا زور سەنىمدىلىك تانىتتى.
سونداي- اق كەزدەسۋدە كورمەگە تۇرىك كومپانيالارىنىڭ قاتىسۋ مۇمكىندىگى دە ءسوز بولدى.
ايتا كەتەيىك، «استانا ەكسپو-2017» حالىقارالىق مامانداندىرىلعان كورمەگە قاتىساتىن مۇشە مەملەكەتتەردىڭ ءتىزىمىن بەكىتۋ ۇدەرىسى ەكى كەزەڭ بويىنشا جۇرەدى: الدىمەن رەسمي كەلىسىم بەرىلەدى، كەيىن قاتىسۋ تۋرالى كەلىسىمگە قول قويۋ بولادى.
بۇگىنگى تاڭدا «استانا ەكسپو-2017» كورمەسىنە قاتىسۋعا 96 مەملەكەت رەسمي كەلىسىمىن بەردى، 62 ەل قاتىسۋ تۋرالى كەلىسىمگە قول قويدى.
اۆتور: جاسۇلان جولدىبايەۆ