ك. كوكىرەكبايەۆ سانجىلىقتاردى جامبىل وبلىسىنا جانە ەكسپو-2017 كورمەسىنە شاقىردى - فوتو

استانا. قازاقپارات - جامبىل وبلىسىنىڭ اكىمى كارىم كوكىرەكبايەۆ ق ح ر شىڭجاڭ-ۇيعىر اۆتونومدىق اۋدانىنىڭ سانجى حۇيزۋ اۆتونومدىق ولكەسىنىڭ (چ ح ا و) گۋبەرناتورى ما سيۋنچەنمەن كەلىسسوزدەر جۇرگىزدى.

دەلەگاتسيالار شاعىن جانە كەڭەيتىلگەن قۇرامدا كەزدەستى.

م. سيۋنچەن ءوزى باسقاراتىن ءوڭىردىڭ الەۋمەتتىك-ەكونوميكالىق دامۋىمەن تانىستىردى. ول ش ۇ اا  چ ح ا و ۇلتارالىق ۇلەسىمدىلىكتى ساقتاۋدا قىتايدىڭ 30 ۇلگىلى ايماعىنىڭ العاشقى بەستىگىنە كىرەتىندىگىن اتاپ ءوتتى.

«ق ح ر ءتوراعاسى شي جينپيڭ 2013-جىلدىڭ قىركۇيەكتە قازاقستانعا جاساعان ساپارىندا «جىبەك جولى ەكونوميكالىق بەلدەۋىن» قۇرۋ باستاماسىن العاش رەت كوتەرگەن بولاتىن. سول ۋاقىتتان بەرى ءبىزدىڭ ەلدەرىمىز ەكىجاقتى، ءبىرىنشى كەزەكتە، «جىبەك جولى ەكونوميكالىق بەلدەۋى» مەن قازاقستاندىق «نۇرلى جول» باعدارلاماسىن ءتۇيىستىرۋ اياسىنداعى قارىم-قاتىناستى نىعايتۋدا ايتارلىقتاي ىلگەرىلەۋشىلىككە قول جەتكىزدى.

قىتاي باسشىلىعى شىڭجاڭدى اتالعان باستامانى جۇزەگە اسىرۋداعى باس ءوڭىر رەتىندە قاراستىرادى. ال ش ۇ ا ا ءۇشىن سانجى حۇيزۋ اۆتونومدىق ولكەسى وكۋرگى زور مانگە يە. جامبىل وبلىسى - جىبەك جولىنداعى قازاقستاننىڭ ماڭىزدى ءوڭىرى. مەنىڭشە، ءبىزدىڭ وڭىرلەرىمىزدىڭ اراسىندا باۋىرلاستىق بايلانىس ورناعاننان كەيىن ءبىز ساۋدا-ەكونوميكالىق، اۋىل شارۋاشىلىعى، يندۋستريالدى، مادەني-گۋمانيتارلىق ىنتىماقتاستىقتى دامىتۋدا مۇنان دا زور ناتيجەلەرگە قول جەتكىزەمىز»، - دەدى ول.

ءوز كەزەگىندە اكىم ك. كوكىرەكبايەۆ ق ر پرەزيدەنتى نۇرسۇلتان نازاربايەۆ پەن ق ح ر ءتوراعاسى شي جينپيڭنىڭ ءوزارا ساپار الماسۋلارى بارىسىندا سوڭعى جىلدارى قازاقستان مەن قىتاي اراسىندا قول جەتكىزىلگەن ينۆەستيتسيالىق ۋاعدالاستىقتار جايىن ەسكە سالىپ ءوتتى.

«ءبىزدىڭ ەلدەرىمىزدىڭ كوشباسشىلارىنىڭ باستاماسىمەن ىسكەرلىك كەڭەس قۇرىلىپ، قازاقستان مەن قىتاي بيزنەسمەندەرى ءۇشىن ءتيىمدى سۇحبات الاڭىنا اينالىپ وتىر. ءبىزدىڭ مەملەكەتتەرىمىزدىڭ اراسىناعى سەنىم مەن ءوزارا تۇسىنىستىكتىڭ جوعارى دەڭگەيىن قازاقستاننىڭ قىتايدىڭ «ءبىر بەلدەۋ، ءبىر جول» جانە «جىبەك جولى ەكونوميكالىق بەلدەۋى» باستامالارىن جۇزەگە اسىرۋعا جان-جاقتى قولداۋ ءبىلدىرۋى دالەل بولا الادى. بۇل قادام الەمدىك ەكونوميكالىق قۇبىلمالىق جاعدايىنداعى قازاقستاننىڭ «نۇرلى جول» جاڭا ەكونوميكالىق ساياساتىمەن ۇندەس كەلەدى. وسىعان وراي ەكى باعدارلامانى تۇيىندەستىرۋ جونىندەگى بىرلەسكەن جۇمىس توبى قۇرىلدى»، - دەدى جامبىل وبلىسىنىڭ اكىمى.

ك. كوكىرەكبايەۆ ش ى ا ا جاردەمىمەن جامبىل وبلىسى اۋماعىندا سويا وڭدەيتىن زاۋىت سالۋعا، ترانسفورماتورلار مەن ەلەكتر كابەلىن شىعاراتىن الەمدەگى ءىرى كومپانيالاردىڭ ءبىرى TBEA- مەن ىنتىماقتاستىقتى دامىتۋعا، اۋىل شارۋاشىلىعى، ونەركاسىپ، ءبىلىم بەرۋ، مادەني-گۋمايتارلىق جانە باسقا دا سالالاردا تاجىريبە الماسۋعا قىزىعۋشىلىق تانىتاتىندىعىن ايتتى.

سونىمەن قاتار ول ش ۇ ا ا چ ح ا و باسشىلىعى مەن بيزنەس وكىلدەرىن وسى جىلدىڭ مامىرىندا جامبىل وبلىسىنا كەلۋگە، ەكسپو-2017 كورمەسىنە قاتىسۋعا شاقىردى. ىنتىماقتاستىقتى ىلگەرىلەتۋ بويىنشا جۇمىس توبىن قۇرۋدى ۇسىندى.

«ەكسپو-2017 كورمەسىنە كەلىڭىزدەر. سونىمەن بىرگە ءبىز وڭىرىمىزدەگى ارحەولوگيالىق زەرتتەۋ جۇمىستارىنا قاتىسۋعا شاقىرامىز. ماسەلەن، جامبىل وبلىسىندا 1600 تاريحي ەسكەرتكىش بار. قالا ورتالىعىندا اسپان استىنداعى اشىق مۋزەي بار. وندا 33 مىڭ ارتەفاكت ساقتالعان. مەن بارلىق ارىپتەستەرىم مەن ينۆەستورلاردى وسى جىلدىڭ مامىرىندا جامبىل وبلىسىنا كەلىپ، مەن ايتقان جايتتاردى ءوز كوزدەرىمەن كورۋگە شاقىرامىن. مەنىڭشە، ءبىز اۋىل شارۋاشىلىعى، ونەركاسىپ، قۇرىلىس جانە الەۋمەتتىك دامۋ سالالارىنداعى ىنتىماقتاستىقتى ىلگەرىلەتى ءۇشىن جۇمىس توبىن قۇرۋىمىز قاجەت»، - دەدى ك. كوكىرەكبايەۆ.

قازاقستاندىق دەلەگاتسيا قۇرامىندا وبلىس اكىمىنىڭ ورىنباسارى ابدالى نۇراليەۆ، باسپا ءسوز حاتشىسى گۇلبارشىن قۇلانبايەۆا، جامبىل وبلىسى بايزاق (مۇراتحان شوكەيەۆ)، قورداي (قايرات دوسايەۆ) جانە شۋ «(رۇستەم داۋلەت) اۋداندارىنىڭ اكىمدەرى، وبلىستىق اكىمدىكتىڭ اۋىل شارۋاشىلىعى باسقارماسىنىڭ باستىعى نۇرجان نۇرجىگىتوۆ، مادەنيەت باسقارماسى باستىعىنىڭ ورىنباسارى مۇباراك جيناقبايەۆا، تاراز مەملەكەتتىك پەداگوگيكالىق ينستيتۋتىنىڭ (داريا قوجامجاروۆا) جانە تاراز يننوۆاتسيالىق-گۋمانيتارلىق ينستيتۋتىنىڭ (ەربولات ساۋرىقوۆ) رەكتورلارى، «رىسپايەۆا جانە ك» ج ش س ديرەكتورى ساۋلە رىسپايەۆا، «مەركە ىرىمشىك زاۋىتى» ج ش س ديرەكتورى داستان ايتولەنوۆ، سونداي-اق «باپىش- سەيسەنباي» (ساكەن راپىلبەكوۆ)، «ولجا» (بەرىك ەگەمبەردييەۆ)، «زليحا» (نۇرجىگىت بەگالى)، «تالاپ» (ماۋىت فازىلوۆ)، «ناريمان» (باقتىباي ساۋدابايەۆ) شارۋا قوجالىقتارىنىڭ باسشىلارى بولدى.

انىقتاما. سانجي قالاسى - سانجى حۇيزۋ اۆتونوميالىق وكرۋگىنىڭ ماڭىزدى كولىك تورابى، ولار ارقىلى شىڭجاڭ سولتۇستىك تەمىر جولى مەن ۋكۋي ماگيسترالى وتەدى. ەجەلگى ۋاقىتتا قالا ۇلى جىبەك جولىنىڭ سولتۇستىك تارماعىنداعى نەگىزگى پۋنكتتەرىنىڭ ءبىرى بولدى.

جامبىل وبلىسى قازاقستان- قىتاي ءوڭىرارالىق ىنتىماقتاستىعىن دامىتۋدىڭ الدىندا كەلەدى. 2015-جىلعى 11-14- قاڭتاردا اكىم كارىم كوكىرەكبايەۆ باستاعان جامبىل وبلىسىنىڭ دەلەگاتسياسى ق ح ر- دىڭ سانجى پروۆينتسياسىنداعى سيان قالاسىندا بولدى. ساپار قورىتىندىلارىمەن جالپى سوماسى 400 ميلليون دوللارعا جۋىق كەلىسىمدەرگە قول قويىلدى. بىرلەسكەن باستى جوبالار - قىتايلىق «دا ي» كومپانياسىنىڭ قۋاتى 200 مۆت جەل ەلەكتر ستانساسىن سالۋ، يانلين ۇلگىلى اۋىل شارۋاشىلىعى ايماعىن باسقارۋ كوميتەتىنىڭ جامبىل وبلىسىندا جوعارى تەحنولوگيالىق اگرارلى-يننوۆاتسيالىق پارك قۇرۋ كەلىسىمى بولدى.

تاراز جانە سيان - باۋىرلاس قالالار. وسى جولعى ساپار بارىسىندا جامبىل وبلىسى مەن سانجى - سانجى حۇيزۋ اۆتونوميالىق وكرۋگىمەن باۋىرلاستىق بايلانىستار ورناتۋ جوسپارلانۋدا. جامبىل وبلىسى مەن قىتايدىڭ اتالعان وڭىرىمەن اراسىنداعى بايلانىستىرۋشى بۋىن قازاقستان دۇڭگەندەرى قاۋىمداستىعى بولماق.