ءۇندىستان ەكسپو-2017 كورمەسىنە قاتىسۋ جونىندەگى شارتقا قول قويدى
نيۋ-دەليدە ر. جوشىبايەۆ ءۇندىستان سىرتقى ىستەر ءمينيسترىنىڭ ورىنباسارى ادجاي گوندانمەن، ءۇندىستاندىق ساۋدانى ىلگەرى جىلجىتۋ ۇيىمىنىڭ (ITPO) ءتوراعاسى، «ەكسپو-2017» كورمەسىندەگى ءۇندىستاننىڭ ۇلتتىق سەكسياسىنىڭ كوميسسارى ل. گويالمەن جانە ءۇندىستاندىق بيزنەس ورتاسىنىڭ وكىلدەرىمەن كەزدەسۋلەر وتكىزدى.
ءۇندىستاننىڭ سىرتقى ساياسات ۆەدومستۆوسىندا تاراپتار ەكى ەلدىڭ ىنتىماقتاستىعىنىڭ بارلىق قىرلارى بويىنشا ءوزارا ءىس-قيمىلىنىڭ جاي-كۇيى مەن پەرسپەكتيۆالارىن تالقىلادى. ر. جوشىبايەۆ قازاقستان پرەزيدەنتى نۇرسۇلتان نازاربايەۆتىڭ اتىنان ءۇندىستان پرەزيدەنتى پروناب گۋمار مۋكەردجيدىڭ اتىنا ءۇندىستاندىق تاراپتىڭ ق ر- نىڭ 2017-2018-جىلعا ب ۇ ۇ قاۋىپسىزدىك كەڭەسى تۇراقتى ەمەس مۇشەسىنە كانديداتۋراسىن قولداعانى ءۇشىن العىس حاتىن تاپسىردى.
كەزدەسۋ بارىسىندا ءۇندىستاندىق كوميسسارمەن «ەكسپو-2017» كورمەسى اياسىندا الداعى ۋاقىتتا ىنتىماقتاستىق تۋرالى جانە قاتىسۋدىڭ تەحنيكالىق ماسەلەلەرى جونىندە پىكىر الماسۋ بولدى. ر. جوشىبايەۆ پەن ل. گويال كەزدەسۋىنىڭ قورىتىندىسى بويىنشا ءۇندىستاننىڭ «ەكسپو-2017» كورمەسىنە قاتىسۋى جونىندە شارتقا قول قويىلدى. وسىلايشا، قازىرگى تاڭدا 74 مەملەكەت پەن 14 حالىقارالىق ۇيىم «ەكسپو-2017» كورمەسىنە قاتىساتىنىن رەسمي تۇردە مالىمدەدى.