ۆەتنامدىق تۋريستەر ەكسپو-2017 كورمەسىنە كەلۋگە قىزىعۋشىلىق بىلدىرۋدە
كەزدەسۋ بارىسىندا ۆەتنامنىڭ ەكسپو-2017 كورمەسىنە قاتىسۋ ماسەلەسى تاعى دا قوزعالدى.
بۇل تۋرالى ق ر س ءى م باسپا ءسوز قىزمەتى حابارلادى.
ءمينيستردىڭ مالىمدەۋىنشە، ۆەتنام استانادا وتەتىن كورمەگە قاتىسۋى تۋرالى جازبا تۇردەگى كەلىسىمىن جاقىن ارادا جولدايدى جانە كەلەسى ايدا ەكسپو-2017 كورمەسىندە ۆەتنامنىڭ ۇلتتىق پاۆيلونىنا جاۋاپتى كوميسسار تاعايىندايدى. وعان قوسا سۇحباتتاس ۆسر ۇكىمەتى قازاقستان ازاماتتارىنا رەسەي جانە بەلارۋس ازاماتتارىنداي مەرزىم ۇزاقتىعى 15 كۇنگە دەيىن ءبىر جاقتى تۇردە ۆيزاسىز رەجىم ەنگىزۋ ماسەلەسىن قاراستىرىپ جاتقانىن حابارلادى.
بۇدان بۇرىن 2015 -جىلعى ماۋسىم ايىنىڭ سوڭىندا ەكسپو-2017 كوميسسارى - قازاقستان رەسپۋبليكاسى سىرتقى ىستەر ءمينيسترىنىڭ ءبىرىنشى ورىنباسارى ءراپىل جوشىبايەۆتىڭ ۆەتنامعا ساپارى بارىسىندا ۆەتنامدىق تاراپ كورمەگە قاتىساتىنىن ۇكىمەتتىك دەڭگەيدە راستاعان بولاتىن. وعان قوسا Saigontourist اتتى ءىرى تۋريستتىك كومپانيا «استانا ەكسپو-2017» ۇلتتىق كومپانياسىمەن ىنتىماقتاستىق تۋرالى كەلىسىمگە قول قويعان، ال ونىڭ شارتتارى ۆەتنامدىق تۋريستەردىڭ ەكسپو-2017 حالىقارالىق كورمەسىنە بارۋلارىنا ەرەكشە جاعداي جاساۋىن كوزدەيدى.
سونىمەن قاتار، ۆەتنام تۋريزم اسسوتسياتسياسىنىڭ پرەزيدەنتى نگۋەن حۋۋ تحومەن كەزدەسۋ بارىسىندا ەلدەرىمىز اراسىنداعى تۋريستىك بيزنەستى دامىتۋ جانە قازاقستاننىڭ ۆەتنامداعى تۋريستەرىنە جايلى جاعداي جاساۋ جونىندەگى ماسەلەلەر تالقىلاندى. ۆەتنامنىڭ تۋريزم اسسوتسياتسياسى قازاقستاننىڭ تۋريستتىك قاۋىمداستىعىمەن تىعىز قارىم- قاتىناس ورناتۋعا ۇلكەن قىزىعۋشىلىق تانىتىپ، ىنتىماقتاستىق تۋرالى ءتيىستى قۇجاتقا قول قويۋعا دايىن ەكەندىگىن ءبىلدىردى.
اتالعان تۋريستىك كورمە شەڭبەرىندە قازاقستاننىڭ ەلشىلىگى ۆەتنامنىڭ تۋريزم جونىندەگى ۇلتتىق اكىمشىلىگىمەن بىرلەسىپ Saigontourist, Vietravel, Focus Travel, Indchina Heritage, VietJetAir اتتى جانە تاعى باسقا ۆەتنامدىق ءىرى تۋروپەراتورلار مەن اۋەكومپانيالاردىڭ قاتىسۋىمەن دوڭگەلەك ۇستەل وتكىزدى. كەزدەسۋ قاتىسۋشىلارى قازاقستان تۋريستىك نارىعىنىڭ نەگىزگى دامۋ باعىتتارىمەن تانىستىرىلدى. سۇحبات بارىسىندا ۆەتنامدىق تۋريستەردى ەكسپو-2017 كورمەگە تارتۋ ماسەلەسىنە ەرەكشە كوڭىل ءبولىندى. ۆەتنامدىق تۋركومپانيالار قازاقستاندىق تۋريزم نارىعىنىڭ الەۋەتىن زەرتتەۋگە زور قىزىعۋشىلىق تانىتىپ، ۆەتنامدىق ازاماتتار ءۇشىن جاڭا تۋريستتىك باعىت رەتىندە قاراستىرادى. سوڭعى جىلدارى 90 ميللوننان استام حالقىمەن ۆەتنام كىرۋ جانە شىعۋ تۋريزمدى دامىتۋ بويىنشا جاقسى ناتيجەلەرىن كورسەتىپ كەلەدى.
وسى تۇرعىدا ەلدەرىمىز اراسىنداعى ءتۋريزمدى ودان ءارى دامىتۋىندا 2015 -جىلعى مامىر ايىندا ەۋرازيالىق ەكونوميكالىق وداق پەن ۆەتنام اراسىنداعى ەركىن ساۋدا ايماعى تۋرالى كەلىسىمگە قول قوىيلۋى ماڭىزدى ءرول اتقاراتىنى انىق. وعان قوسا الماتى مەن حوشيمين قالالارى اراسىنداعى «ەير استانا» ۇلتتىق اۋەتاسىمالداۋشى اتقاراتىن تىكەلەي اۋەقاتىناستىڭ بولۋى ەلدەرىمىز ازاماتتارىنىڭ ءوزارا جول ءجۇرۋىن بەلسەندەتۋىنە قولعابىس ەتەدى.
دوڭگەلەك ۇستەل بارىسىندا ۆەتنامدىق تۋروپەراتورلار اعىمداعى جىلدىڭ قازان ايىنىڭ سوڭىندا وتەتىن قازاقستان- ۆەتنام ۇكىمەتارالىق كوميسسياسى 7- وتىرىسىنىڭ جۇمىسىنا قاتىسۋ ءۇشىن وكىلدى دەلەگاتسيا قۇرامىندا قازاقستانعا بارماق نيەتتەرىن ءبىلدىردى. دەلەگاتسيا قۇرامىنا ءىرى تۋروپەراتورلار مەن باسپا ءسوز وكىلدەرى، سونداي- اق ۆەتنام تۋريستتىك نارىعىنىڭ مۇمكىنشىلىكتەرىمەن تانىستىرۋ وتكىزۋ ءۇشىن مادەنيەت قايراتكەرلەرى كىرەدى.
سونىمەن قاتار، ۆەتنامدىق تاراپ قازاقستاننان تىكەلەي ۆەتنامنىڭ كۋرورتتىق جەرلەرىنە، سونداي- اق ۆەتنامدىقتاردى قازاقستانعا، ودان ءارى ورتالىق ازيا ەلدەرى، رەسەي جانە ەۋروپاعا تاسىمالداۋ ءۇشىن تۋريستتەردىڭ لوگيستيكا ماسەلەسىن ايتارلىقتاي جەڭىلدەتەتىن چارتەرلىك تاسىمالداردى ۇيىمداستىرۋ ماسەلەسىن قوزعادى.